மாறிவரும் உலகில் மாறாத தமிழ்நாடு...ஒரு அமெரிக்க தமிழனின் பார்வை

இந்தியாவில் கடந்த 10-15 வருடங்களாக ஏற்பட்ட பொருளாதார வளர்ச்சியினால் பெரிய வீடுகள், அருமையான கார்கள், மேல் நாட்டு உணவு வகைகள், புதிய செல் போன்கள் இன்னும் பலவற்றை சொல்லி போகலாம். எங்கும் மாற்றம் எதிலும் மாற்றம். இது எனது தமிழ்நாட்டு நண்பர்கள் தமிழ் நாட்டுக்கு வெகேஷனில் சென்று வந்தபின் வந்து புலம்பிய புலம்பல்கள். அவர்களின் பேச்சை கேட்ட எனக்கும் தமிழ் நாட்டை ஒரு முறை சென்று பார்த்து விட்டு வரவேண்டும் என்ற அளவிட முடியாத ஆர்வம். முடிந்தால் நம் நாட்டிலே வந்து செட்டில் ஆகிவிட வேண்டும் என்ற ஒரு வேகம். அந்த அளவிடா ஆர்வத்தினால் கடந்த சில வருடங்களுக்கு முன்பு இந்தியாவிற்கு வந்தேன் பார்த்தேன். எனது பார்வைக்கும் எனது நண்பர்களின் பார்வைக்கும் ரொம்ப வித்தியாசம்.அவர்களின் பார்வையில் மேலே சொன்னபடி பல மாற்றங்கள். ஆனால் எனது பார்வையில் தமிழ்னாடு(இந்தியா) இன்னும் மாறாமல் தான் இருக்கின்றன....

அநேக வகையில் இன்னும் அப்படியே இருக்கின்றன இதை மிக கழுகு கண்ணால் பார்த்தவர்களுக்கு மட்டும் புரியும்.மாயை உலகில் இருப்பவர்களுக்கு இது புரிவது கடினம்

எனது பார்வையில் மாறாத தமிழ்னாடு..........

மக்களின் உணவு உடை பழக்க வழக்கங்கள் மாறியுள்ளன ஆனால் அடிப்படை குணங்கள் , சிந்தனைகள் அப்படியே பழமையாக உள்ளன.

அரசியல் சக்திகள், ஊழல்கள், கையில் பணம் இருந்தால் சட்டத்தை விலைக்கு வாங்குதல், குறுக்கு வழியில் காரியம் முடித்தல் & பணம் சம்பாதித்தல்

நடிகர்கள் பின்னால் செல்லுதல் அவர்களை கடவுளாகவும் தலைவனாகவும் கருதுதல் உண்ண ஒரு வேளை உணவு இல்லையென்ற போதும் கடன் வாங்கியாவது அவர்களுக்கு பால் அபிஷேகம் பண்ணுதல்...

வெளியிடங்களிள் உள்ள சுகாதாரம்.பஸ் ரயில் பொது பாத்ருமில் குப்பை கூலங்கள் எங்கு பார்க்கினும் முன்னைவிட கேவலமாக இருக்கின்றன.

சோம்பேறித்தனம் , லேட்னஸ் முன்னே போலவே இருக்கின்றன முக்கியமா அரசு துறைகளில்....

பார்க்கும் வேலைகளில் ஒரு வித அலட்சியம் ஒரு விதமான இன்வால்வ் இல்லாமல் வேலை பார்ப்பது..

ஏழை பணக்கார இடைவெளி மிக அதிகமாக இருப்பது. பணக்காரன் மேலும் பணக்காரனாகி கொண்டே போவது ஏழை மேலும் ஏழையாவே போவது புதிதாக ஏதும் மாற்றம் இல்லை...

பொதுவிட பழக்க வழக்கங்கள் கண்ட இடங்களில் குப்பை போடுவது எச்சில் துப்புவது , டிராபிக் ரூல்ஸை கடை பிடிக்காமல் போவது

பொது இடங்களில் பெண்களை கிண்டல் செய்வது, அவர்களை தவறான கண்ணோடத்தில் பார்ப்பது, அவர்களை கண்ட இடங்களில் தொடுவது இவைகளை தவறாக நினைக்காதது.இந்த வித பழக்கங்களில் ஒரு மாற்றமும் இல்லாதது,

பொதுவிடங்களில் அளவுக்கு அதிகமாக மியூஸிக் போடுவது , தேவையில்லாமல் ஹாரன் அடிப்பது போன்றவைகளில் அடிப்படை மாற்றம் இல்லாமல் இருப்பது

வெள்ளம் புயல் போன்றவைகள் வரும் போது ஒருவித முன்னேற்பாடுகள் இல்லாமல் இருப்பது

அரசியல் தலைவர்கள் எதிர்கட்சி தலைவர்களை எதிரிகளாக பார்ப்பது & அவர்களின் தனிப்பட்ட வாழ்க்கையைப் பற்றி பேசுவது...

என் பார்வையில் பட்டதில் சிலவற்றை மட்டும் இங்கே சொல்லியுள்ளேன் ஆனால் இன்னும் இது போல பலவற்றை சொல்லாம்

எனது கருத்து என்னவென்றால் பணம், கார் பங்களாவினால் மட்டும் மாற்றம் இருந்தால் போதாது அடிப்படை பழக்கவழக்கங்களிம் மாற்றம் ஏற்பட வேண்டும் என்பதுதான். இவைகளில் மாற்றம் ஏற்படும் போது தமிழனுக்கும் தமிழ் நாட்டுக்கும் பெருமை.

இந்த பதிவை படித்து ஒரு சில பேர்களாவது மாறினால் எனக்கு சந்தோஷம்.

இந்த பதிவை படிப்பவர்களுக்கு எனது அன்பான வேண்டுகோள். நீங்கள் தெரியாதவர்களை நேருக்கு நேர் பார்க்கும் போது ஸ்மைல் பண்ண பழகுங்கள், முடிந்தவரை அடுத்தவர்களுக்கு உதவுங்கள் முடிந்தால் கனிவுடன் பேசுங்கள்.

நன்றி....எனது பார்வைக்கு மாறாக உங்களுக்கு கருத்து ஏதும் இருந்தால் அன்புடன் உங்கள் கருத்தை இங்கே பறிமாற வருமாறு அழைக்கிறேன்.

ஹலோ ...ஹலோ..உங்களைத்தாங்க..என்னங்க இது வந்தீங்க படிச்சீங்க போறீங்களே ...கொஞ்சம் உங்க மனசுலப்பட்ட கருத்தைதான் சொல்லிட்டு போங்களேன்



ஹலோ ...ஹலோ..உங்களைத்தாங்க..என்னங்க இது வந்தீங்க படிச்சீங்க போறீங்களே ...கொஞ்சம் உங்க மனசுலப்பட்ட கருத்தைதான் சொல்லிட்டு போங்களேன்