மற்றவர்கள் உங்களைப் பற்றி என்ன நினைக்கிறார்கள் ???

 

மற்றவர்கள் உங்களைப் பற்றி என்ன நினைக்கிறார்கள் ???

மற்றவர்கள் உங்களைப் பற்றி என்ன நினைக்கிறார்கள் என்று கவலைப்பட்டு, வீணடிக்க உங்களுக்கு நேரம் இல்லை.


உங்களின் நேரம் மிகவும் மதிப்புமிக்கது, அந்த மதிப்பு மிக்க நேரத்தில் உங்களை விமர்சிப்பவருக்கும் உங்களின் கருத்திற்கு எதிர்மறை கருத்துக்கும் பதிலளித்து அவர்களை நம்ப வைக்க முயற்சிப்பது என்பது உங்களின் முயற்சிக்குத் தடையாக இருக்கும் கவனச் சிதறல்

எப்போதும்   எல்லோரும் உங்களை விரும்ப மாட்டார்கள்; எல்லோரும் உங்களை ஏற்றுக்கொள்ள மாட்டார்கள்.  உங்களை உங்கள் கருத்துக்களை அவர்கள் தவறாகப் புரிந்து கொண்டிருப்பார்கள் என்று நினைத்து அவர்களுக்குப் புரியவைக்க நேரத்தை வீணடிப்பதை விட்டுவிட்டு உங்களது  செயல்களை முயற்சிகளைத் தொடர்ந்து செய்து கொண்டிருங்கள்.  அவர்கள் உங்களுக்கு ஆதரவாக இருக்க மாட்டார்கள் இருக்க விரும்பவில்லை அது பரவாயில்லை...

இந்த காலத்தில் விமர்சிப்பவர்கள் எல்லோரும் நீங்கள் தவறான கருத்துக்களைச் சொல்லுகிறீர்கள் அல்லது  முயற்சிகளை செய்கிறீர்கள் அதைச் சுட்டிக்காட்டி நீங்கள் உங்கள் முயற்சியில் வெற்றி பெற வேண்டும் என நினைக்கு  நல்ல மனிதர்கள் அல்ல அப்படிப்பட்ட நல்லவர்கள் யாரும் இந்த காலக் கட்டங்களில் இல்லை ஒரு சிலரைத் தவிர .உங்களை விமர்சிப்பவர் எல்லோரும் நீங்கள் வெற்றி பெற விமர்சிப்பதில்லை நீங்கள் வெற்றி பெறுவதில் இருந்து உங்களை தடுக்கும் தடைக்கற்களாக இருக்க முயற்சிக்கிறார்கள்

அவர்களுக்கெல்லாம் நீங்கள் வெற்றி பெற்றுவிடக் கூடாது என்பதுதான் முக்கியம்..

இப்படி நான் சொல்வதால் நாம் செய்தது சொல்வது எல்லாம் மிகச் சரி என்று நினைக்கக் கூடாது  நாம் செய்வதில் தவறுகள் இருக்கலாம் . அந்த தவறுகளால் நாம் கற்றுக் கொள்ளும் பாடங்கள் அனுபவங்கள்தான் நம்மை உண்மையான வெற்றிக்கு அழைத்துச் செல்லுமே தவிர இன்றைய காலத்தில் இணையத்தில் விமர்சனம் செய்பவர்களின் செயல்களால் அல்ல

அதனால் மற்றவர்கள் என்ன சொல்கிறார்கள் என்பது பற்றி கொஞ்சமும் சட்டை செய்யாமல் நீங்கள் உங்களது முயற்சிகளில் ஈடுபடுங்கள் உங்கள் வாழ்க்கை வெற்றிகரமாக இருக்கும் நீங்கள் என்ன சொல்கிறீர்கள் என்பதை கவனியுங்கள் நீங்கள் செய்ததை  செய்வதை மற்றும்செய்யப் போவதை கவனியுங்கள் எல்லாவற்றிற்கும் மேலாக, உங்களை  முழுதாக பாருங்கள். உங்கள் உடலையும் ஆன்மாவையும் எதிரி கையாள விடாதீர்கள்


ஒரு உண்மையைச் சொல்லுகின்றேன் இன்றைய காலகட்டத்தில் பலர் தங்களைவிட மேல்நிலையில் இருப்பவர்கள் மாதிரி தானும் இருக்க வேண்டும் என்று நினைத்து அதற்கான தகுதிகளைப் பெற முயற்சிக்கும் அதே நேரத்தில் தனக்கு கீழே போட்டு மிதிக்கவும் சிலர் இருக்க வேண்டும் என்றுதான் நினைக்கிறார்கள் அப்போதுதான் அவர்கள் தாங்கள் வெற்றி பெற்றதாக நினைக்கிறார்கள் இது கசக்கும் உண்மை ஆனால் நிதர்சன உண்மை

 


அன்புடன்
மதுரைத்தமிழன்



யாரை நம்பி நான் பொறந்தேன்
போங்கடா போங்க
என் காலம் வெல்லும் வென்ற பின்னே
வாங்கடா வாங்க

குளத்திலே தண்ணி இல்லே
கொக்குமில்லே மீனுமில்லே
குளத்திலே தண்ணி இல்லே
கொக்குமில்லே மீனுமில்லே
பெட்டியிலே பணமில்லே
பெத்த புள்ளே சொந்தமில்லே


யாரை நம்பி நான் பொறந்தேன்
போங்கடா போங்க
என் காலம் வெல்லும் வென்ற பின்னே
வாங்கடா வாங்க

தென்னைய பெத்தா இளநீரு
பிள்ளைய பெத்தா கண்ணீரு
தென்னைய பெத்தா இளநீரு
பிள்ளைய பெத்தா கண்ணீரு

பெத்தவன் மனமே பித்தம்மா
பிள்ளை மனமே கல்லம்மா
பானையிலே சோறிருந்தா
பூனைகளும் சொந்தமடா

சோதனையை பங்கு வச்சா
சொந்தமில்லே பந்தமில்லே


யாரை நம்பி நான் பொறந்தேன்
போங்கடா போங்க
என் காலம் வெல்லும் வென்ற பின்னே
வாங்கடா வாங்க

நெஞ்சமிருக்கு துணிவாக நேரமிருக்கு தெளிவாக
நெஞ்சமிருக்கு துணிவாக நேரமிருக்கு தெளிவாக
நினைத்தால் முடிப்பேன் சரியாக
நீ யார் நான் யார் போடா போ


ஆடியிலே காத்தடிச்சா ஐப்பசியில் மழை வரும்
தேடி வரும் காலம் வந்தா
செல்வமெல்லாம் ஓடி வரும்

யாரை நம்பி நான் பொறந்தேன்
போங்கடா போங்க
என் காலம் வெல்லும் வென்ற பின்னே
வாங்கடா வாங்க
என் காலம் வெல்லும் வென்ற பின்னே
வாங்கடா வாங்க