அமெரிக்க போலீசிடம் இருந்து மதுரைத்தமிழனை காப்பாற்றும் ஒரு சிறு கார்ட் small card

அமெரிக்க போலீசிடம் இருந்து மதுரைத்தமிழனை காப்பாற்றும் ஒரு சிறு கார்ட்


நேற்று  மாலை  என் அண்ணன் மகளை பார்த்து விட்டு இரவு 11 மணியளவில் குடும்பத்தினருடன் வீடு திரும்பி கொண்டிருந்தேன்  அப்பொழுது  ஒரு சிக்கனலில்  yellow கலர் சிக்கனல் விழுந்ததும் ரெட் சிக்கனல் வருவதற்குள் அதை கடக்க முயற்சி செய்தேன். நான் மட்டுமல்ல எல்லோரும் அப்படித்தான் பொதுவாக செய்வார்கள். அது மாதிரி நேற்று இரவு நானும் செய்த போது சிக்னலை கடக்கு முன்  பாதிக்கும் மேற்பட்ட ரோட்டை கடக்கும் போது உடனே ரெட் விழுந்துவிட்டது. நானும் அதை கடந்து சென்றுவிட்டேன் ,அதன் பின்  2 சிக்கனல் தாண்டி 2 மைல் தூரம் கடந்து இருப்பேன், தீடீரென்று போலீஸ்காரர் தனது கலர் லைட்டை போட்டு என் பின்பக்கம் வந்தது .ஒரு கார் அல்ல இரண்டு கார் நானும் ஏதோ எமர்ஜன்சி போல என்று நினைத்து ரோட் ஒரமாக   அவர்கள் கார் கடந்து போவதற்காக நிறுத்தினேன்... ஆனால் அவர்களோ என்னை கடந்து போகாமல் என் பின்னே வந்து நின்று விட்டார்கள்

அதன் பின் ஒரு காரில் இருந்து ஒரு போலீஸ் இறங்கி வந்து சார், உங்கள் டிரைவர் லைசன்ஸ், கார் ரிஜிஸ்ரேஷன் இன்சூரன்ஸ் கார்ட் எல்லாவற்றையும் கொடுங்கள் என்று சொல்லிவிட்டு நீங்கள் ரெட் சிக்னலில்  நிற்காமல் சென்றீர்கள் என்று சொல்லினார், நான்  சார் எல்லோ சிக்கனல் இரூக்கும் போதுதான் சென்றேன் என்று சமாளிக்க பார்த்தேன் .அவர் அதற்கு மறுப்பு தெரிவித்தார். நானும் சரி இவரிடம் மாட்டிகிட்டோம் குறைந்தது 300 ல் இருந்து 400 டாலர் அபராதம் வரும் அதுமட்டுல்ல 2 அல்லது மூன்று பாயிண்ட் வரும் ,கோர்ட்டுக்கு வேற போகனும் என்று நினைத்தவாரே டிரைவிங்க் லைசன்ஸ் ,கார் ரிஜிஸ்ரேஷன், இன்சூரன்ஸ் கார்ட் முன்றையும் கொடுக்கும் போது அதோடு என்னிடம் இருந்த ஒரு சிறுகார்ட்டையும் அதோடு  சேர்த்து அதற்கு இடையில் வைத்து கொடுத்தேன்.. அந்த போலீஸ் எல்லாவற்றையும் சோதனை செய்த போது அந்த கார்ட்டை பார்த்துவிட்டு ஒகே சார் நீங்க போகலாம் உங்களுக்கு அபராதம் ஏதும் இல்லை இனிமேல் இப்படி ரெட் சிக்கனில் கடக்க வேண்டாம் என்று சொல்லி சென்றுவிட்டார்.

இது போலத்தான் கடந்த மாதம் இரவு 9 மணியளவில் என் குழந்தையை நீச்சல் பயிற்சிக்கு அழைத்து செல்லும் போது நல்ல மழை  உடம்பு வேற  ரொம்ப டயர்டாக இருந்தது ...அப்போது நான் சென்ற ரோட்டின் ஸ்பிட் லிமிட் 35 ஆனால் நான் கார் ஒட்டி சென்றதோ 60 மைல் ஸ்பிட் அப்படி செல்லும் போது ரோட் ஒரமாக இருந்த போர்டில் நான் ஒட்டி செல்லும் காரின் ஸ்பீட் லீமிட் 60 என்று காண்பித்தது. அதை கவனித்த நான் ஸ்பிடை குறைத்து ஒட்ட ஆரம்பித்தேன் .அப்போது  அரை நிமிடம் கழித்து என் பின்னால் போலீஸ் கார் ஒன்று தொடர்ந்து வந்து என்னை நிறுத்த சொல்லி அவரின் சிக்னலை போட்டார். அப்போது அந்த போலீஸ் ஆபீஸர் சார் இந்த ரோட்டின் ஸ்பீட் லீமிட் என்ன வென்று தெரியுமா என்று கேட்டார் ,நானும் 35 என்று சொன்னேன் உடனே அவர் நீங்க காரை என்ன ஸ்பீடில் ஒட்டினீர்கள் தெரியுமா என்று கேட்டார். நான் உடனே 40 அல்லது 45 இருக்கும் என்றேன். உடனே சாரி சார், நீங்கள்  53 மைல் ஸ்பீடில் ஒட்டினீர்கள் என்றார் ,அது மட்டுமல்ல உங்கள் காரின் பின் பக்கம் உள்ள பிரேக் லைட்டு வேலை செய்யவில்லை என்று சொல்லி வழக்கமாக கேட்கும் லைசன்ஸ் மற்றும் மற்ற விபரங்களை கேட்டார் .அப்போது நான் என்னிடம் இருந்த ஒரு சிறிய கார்ட்டை அதனுடன் வைத்து கொடுத்தேன் அதை பார்த்த பின் அவர் நீங்கள் ஸ்பீடாக ஒட்டியதற்கு நான் அபராதம் விதிக்கவில்லை அதை மன்னித்து விடுகிறேன் ,ஆனால் உங்கள் வண்டியில் பிரேக் லைட் எரியாதற்கு மட்டும் ஒரு சிறிய  அபராதம் விதிக்கிறேன் என்று சொல்லி 50 டாலர் அபராதம் மட்டும் விதித்தார்... உண்மையில் அன்றும் எனக்கு 300 டாலருக்கு மேல் அபராதமும் 2 அல்லது மூன்று பாயிண்ட் டிக்கெட்டும் கிடைத்து இருக்க வேண்டும் நல்லவேளை என்னிடம் இருந்து ஒரு சிறிய கார்ட் மூலம் அதில் இருந்து தப்பித்தேன்

மேலே சொன்ன டிக்கெட் பாயிண்ட் மட்டும் கிடைத்து இருந்தால் அபராத தொகை மட்டுமல்ல இன்சுரண்ஸ் பீரிமியமும் ஏறி இருக்கும். அது மட்டுமல்ல  பாயிண்ட் 6 க்கும் மேல் வந்துவிட்டால் டிரைவர் லைசன்ஸை ரத்து செய்துவிடுவார்கள் நல்ல வேளை அப்படி ஏதும் இல்லாமல் அந்த சிறிய விசிட்டிங்க் சைஸ் கார்ட் என்னை காப்பாற்றியது..


அந்த கார்ட் எனக்கு அமெரிக்க ஆர்மியில்  15 ஆண்டுக்களுக்கு மேல்வேலை செய்து  பதவி விலகி என்னுடன் வேலை பார்க்கும் அமெரிக்க நண்பரால் தரப்பட்டது அந்த கார்ட் செய்யும் மேஜிக்தான் பெரிய பெரிய பிரச்சனைகளில் இருந்து என்னை காப்பாற்றியது இது போல ஒருகார்டை அவர் என் மனைவிக்கும் தந்து இருக்கிறார்,

கூட வேலை பார்ப்பவரிடம் இனிமையாகவும் அதே நேரத்தில் எப்போதும் என்னால் முடிந்த உதவிகள் செய்வதால்  இம்பரஸ் ஆன அந்த அமெரிக்கர் இந்த கார்ட்டை எனக்கு தந்து உள்ளார்


அன்புடன்
மதுரைத்தமிழன்