பிரியாணியின் சுவையையும் ஏ.ஆர்.ரகுமானின் பாடலையும் மிஞ்சும் பாகிஸ்தான் பாடகரின் க்வாலி இசை

பிரியாணியின் சுவையையும்  ஏ.ஆர்.ரகுமானின் பாடலையும் மிஞ்சும் பாகிஸ்தான் பாடகரின் க்வாலி இசை

ரம்ஜானுக்கு பிரியாணி கிடைக்கவில்லை என்றால் என்ன செவிக்கு அருமையான விருந்து இங்கே உங்களுக்காக இருக்கிறது

ஒரு மதப்பண்டிகை என்றால் அந்த மதத்தவர்கள் மட்டுமல்ல மதசார்பின்மை கொண்ட மாற்று மதத்தவர்களும் சந்தோஷமாக வரவேற்கும் மகிழ்ந்து கொண்டாடும் ஒரு தினமாகவே இருக்கிறது. உதாரணமாக தீபாவளி பண்டிகையை அந்த மதத்தவர் மட்டுமல்ல அவர்களோடு சேர்ந்து மாற்று மதத்தினரும் மதவழிப்பாட்டை தவிர்த்து பட்டாசு வெடித்து இனிப்புக்கள் வாங்கி சுவைத்து நண்பர்களுன் சேர்ந்து கொண்டாடுவார்கள் அது போலத்தான் கிறிஸ்துமஸ் மற்றும் ரம்ஜான்.

ரம்ஜான் பண்டிகை வரும் போது அநேக வீடுகளில் பிரியாணி செய்யமாட்டர்கள் என்பது உண்மைதான் ஆனால் இப்போது மாற்று மதத்தினர் இஸ்லாமியவீட்டு பிரியாணியை விரும்பி சாப்பிடுவதால் பல வீடுகளில் அவர்களுக்காகவே இப்போது பிரியாணி தயாரிக்க ஆரம்பித்துவிட்டார்கள்

ஒருவேளை உங்களுக்கு அந்த பிரியாணியை சுவைக்க இன்று வாய்ப்பு கிடைக்கவில்லை என்றால் பரவாயில்லை. அதற்கு பதிலாக உங்களுக்கு காவலி இசையை உங்களுக்கு விருந்தாக்க்கி தருகிறேன்..பிரியாணி என்றால் நான் வெஜ் சாப்பிடுபவர்கள் மட்டும்தான் சுவைக்க முடியும் ஆனால் இசையை எல்லோரும் கேட்டு ரசிக்க முடியும்..

இசைக்கு மொழி மதம் தடை இருக்காது....அதனால் காது உள்ளவர்கள் கேட்டு மகிழுங்கள் Qawwali -Nusrat Fateh Ali Khan

ரம்ஜானுக்கு இசை விருந்து வைக்க இணையத்தில் தேடிய போது முதலில் ஏ.ஆர் ரகுமான் பாடிய Qawwali வீடியோ க்ளிப் கிடைத்தது... அதை கேட்ட போது அது அவ்வளவாக என்னைக் கவரவில்லை..மேலும் தேடிய போது பாகிஸ்தான் பாடகர் Nusrat Fateh Ali Khan பாடிய பாடல்களின் தொகுப்புக்கள் கிடைத்தன. மிக மிக அருமை... உண்மையாக சொல்லுகிறேன் அவர் பாடிய பாடலுக்கான அர்த்தம் சுத்தமாக புரியவில்லை ஆனால் அவர் பாடியவிதம் அந்த குரல், மிக எளிமையான சில வாத்தியங்களை வைத்து பாடுவது அப்படியே நம்மை மெய்மறக்க செய்கிறது, அவர் இப்போது இவ்வுலகில் இல்லையென்றாலும் அவர் பாடிய பாடல்கள் என்றென்றும் நம் மனதில் நிற்கும்   அவர் Qawwali இசையின் கிங்காக இருந்தார்..

அவரின் பாடல்களை இங்கே உங்களுக்காக பகிர்கிறேன் கேட்டு மகிழுங்கள்

இந்த வீடியோவை முதல் 6 நிமிடங்கள் கழித்து கேளுங்கள்..இறுதி வரை கேட்க தவறாதீர்கள்

இப்ப ரஹ்மானின் இசையை கேளுங்கள் இதை கேட்ட பின் நிச்சயம் நீங்கள் Nusrat Fateh Ali Khan இசைக்கு அடிமையாகிவிடுவீர்கள்

அன்புடன்

மதுரைத்தமிழன்