கவலைகளும் கண்ணீர் துளிகளும்

நம் இதயம் உடைந்து போனது என்பதை சொல்ல வார்த்தைகள் கிடைக்காததால் நமது கண் கண்ணிர்துளியின் மூலம் சொல்ல முயல்கிறது.

சந்தோஷமாக மோசமான  நட்புக்கூட இருப்பதைவிட கவலையுடன் நல்ல நட்புக்கூட சேர்ந்து இருப்பது எவ்வளவோ மேல்

கவலையை கண்ணீர் துளியுடன் வெளிப்படுத்தினால் கண்ணிரை துடைத்து கவலையை போக்க உதவலாம். ஆனால் மனதுக்குள் அழுதால் ?

நல்லவனாக நடித்து ஏமாற்றுவர்கள் பலர் அதே நேரத்தில் நல்லவனாக வாழ்ந்து ஏமாந்து கொண்டிருப்பவர்கள் பலர். இதுதான் உலகமடா

கண்களில் கண்ணிர் வரவில்லை என்பதால் இதயம் அழவில்லை  என்று நினைப்பது தவறு.

ஆண்கள் அழும் போது கண்ணீர் துளிகள் வருவதில்லை காரணம் அவர்கள் அழுவது இதயத்திற்குள் மட்டுமே

திடமான மனிதர்களுக்கு மனது வலிக்கும் போது மற்றவர்கள் முன் புன்னகைத்து சென்று அவர்கள் சென்ற பின் கதவை அடைத்து குமறி அழுவார்கள் இந்த யுத்தம் மூடிய அறைக்குள் மட்டுமே நடக்கும்

கனவில் சுகமாக இருப்பது நிஜத்தில் சுமையாக இருக்கிறது.

உங்கள் அன்புக்குரிய

மதுரைத்தமிழன்

டிஸ்கி ; இது எல்லாம் நான் பேஸ்புக்கில் இட்ட சோக ஸ்டேடஸ். இதை படித்த நண்பர் விசு என்னப்பா என்ன ஆச்சு என்று கவலையுடனும் மைதிலி அவர்கள் என்னாச்சு ஏன் இந்த புலம்பல்கள் என்று நலம் விசாரித்தனர். அவர்களுக்கு என் நன்றி.

இதோ அவர்கள் இருவருக்குமான என் ஸ்டேடஸ் : நான் கவலைபடுகிறதை நினைச்சு நான் கவலைபடுகிறதைவிட நான் கவலைப்படுகிறேன் என்று நீங்கள் கவலைப்படுகிறீர்களே அதை நினைச்சுதான் எனக்கு பெரும் கவலையாக இருக்கிறது. அதனால நான் கவலைப்படுகிறேன் என்று நினைத்து நீங்கள் கவலைப்படாமல் இருந்தால்தான் நான் கவலைப்படாமல் இருக்க முடியும் அதனால் இனிமேல் நீங்க ...........

யோவ் மதுரைத்தமிழா முதல்ல வாயை மூடு.. நீ கவலைபடு அல்லது பேசாமல் இரு அதற்காக எங்கள் இருவரையும் ஏம்ப்பா இப்படி சாக அடிக்கிறே..ஆளைவுடுடா சாமி