மோடி விரிக்கும் வலையில் சிக்கி கொள்வாரா ரஜினி?

ஓ..மை...காட்!!! ரஜினி மட்டுமல்ல மனித இதயம் உள்ள ஒவ்வொருவரும்  பார்க்க வேண்டிய பதிவு  ( Deal or No Deal )

வாழ்க்கையில் நல்ல  சேர்க்கைகள், பண்புகள் , பழக்கவழக்கங்கள் அவசியம் . அதன் மூலம்தான் நம்மால் வாழ்க்கையில் வெற்றி பெற நல்ல முடிவுகள் எடுக்க முடியும்.

சில நேரங்களில் நாம் எடுக்கும் சிறிய முடிவுகள்  நமது வாழ்க்கையை அப்படியே திசை திருப்பி போட்டுவிடும், பெண்ணுக்கும் மண்ணுக்கும் பொருளுக்கும்( பணம்,தங்கம்) புகழுக்கும் அதிக ஆசைப் பட்ட மன்னர்களும், அரசியல்வாதிகளும், பிசினஸ்மேன்களும், உலக தலைவர்களும், மக்களும் எடுத்த சிறிய முடிவினால் அழிந்த உண்மை கதைகள் அநேகம் உள்ளதை நாம் அறிவோம்.

ஆசையே துன்பத்திற்கு காரணம் என்று நாம் நமது பள்ளி புத்தகத்தில் படித்து முடித்து மறந்தும் போனோம்.இப்போதைய பள்ளி புத்தகத்தில் இது போன்ற வரிகள் இன்னும் உள்ளதா என்று தெரியவில்லை.

இந்த வரிகளை மறந்த ஒருவன் எடுத்த முடிவு அவனை எங்கே கொண்டு சென்றன என்பதை கிழேயுள்ள வீடியோ க்ளிப்பை பார்த்தால் புரிந்து கொள்ளலாம்.

இந்த வீடியோ க்ளிப்பை பார்க்கும் போது மோடியின் ஆசை வார்த்தைகளை கேட்டு ரஜினி எங்கே இதில் உள்ளது போல உள்ள கருப்பு பட்டனை தொட்டுவிடுவாரோ என்று அச்சமாகவே இருக்கிறது

மனித மனம் பலவினமானதுதான் ஆனால் நாம் அதை நல்லபண்புகளாலும் , எண்ணங்களாலும் பலப்படுத்திக் கொண்டே இருந்தால் எந்த இக்கட்டான நேரங்களிலும் நல்ல முடிவுகள் நம்மால் எடுக்க முடியும்.

நண்பர்களே எந்த முடிவு எடுத்தாலும் அந்த முடிவால் மற்றவர்கள் சிறிதும் பாதிக்காதபடி முடிவு எடுங்கள்.

அன்புடன்

மதுரைத்தமிழன்.

ஹலோ ...ஹலோ..உங்களைத்தாங்க..என்னங்க இது. வந்தீங்க... படிச்சீங்க, அப்படியே ஒடப் பாக்கிறீங்களே ...கொஞ்சம் உங்க மனசுலப்பட்ட கருத்தைதான் சொல்லிட்டு போங்களேன்