ஈரோடு பதிவர் கூட்டத்தில் கலந்து கொண்டு திரும்பிய "தமிழக பிரபல" பதிவாளருக்கு நேர்ந்த விபரீதம்???

ஈரோடு பதிவர் கூட்டத்தில் கலந்து கொண்டு திரும்பிய "தமிழக பிரபல" பதிவாளருக்கு நேர்ந்த விபரீதம்???

ஈரோடு பதிவர் கூட்டத்தில் கலந்து கொண்டு திரும்பிய தமிழக பிரபல பதிவாளர் வீடு திரும்பியதும்  சோபாவில் அமர்ந்து அங்கு நடந்த சம்பவங்களை தன் மனைவிக்கு விவரித்து சந்தோஷத்துடன் கூறி கொண்டிருந்தார். அதை ஆஆஆஅ என வாயை பிளந்து மனைவியும் கேட்டு கொண்டிருந்தார்.

அப்போதுதான் அந்த அற்புத நிகழ்சி நடந்தது. அவர்கள் முன் ஒரு தேவதை வந்து அவர்களை ஆசிர்வதித்து உங்கள் இருவருக்கும் நான் ஆளுக்கு ஒரு வரம் தருகிறேன். நீங்கள் விரும்பியது ஓன்றை நீங்கள் பெற்று கொள்ளலாம் என கூறினார்.

முதலில் பதிவாளரின் மனைவிக்கு அந்த வாய்ப்பை கொடுத்தது அந்த தேவதை.  அந்த பிரபலபதிவாளரின் மனைவி தன் கணவர் பதிவின் மூலம் உலகப் புகழ் பெற்றதால் அவருடன் சேர்ந்து உலகம் முழுவதும் சுற்றி வர ஆசைப்பட்டு அதற்கான வரம் கேட்டார்.

அதற்கு அந்த தேவதையோ அவர்கள் உலகம் முழுவதும் சுற்றிவர ரிடர்ன் விமான டிக்கெட்டும் 5 ஸ்டார் ஹோட்டல்களில் தங்குவதற்கும் ஏற்பாடு செய்து கொடுத்தது.

இப்போது அந்த பிரபல பதிவாளரிடம் உங்களுக்கு என்ன வரம் வேண்டுமென்று கேட்டது. பதிவாளர் கூட்டதிற்கு சென்று அங்குவந்த இளம் வயது பதிவாளர்களிடம் பேசி கொண்ட போது அவர்கள் மூலம் நவின கால இளம் பெண்களை அறிந்து கொண்ட அந்த பதிவாளருக்கு அந்த வீபரித ஆசை வந்து அந்த தேவதையிடம் கேட்டார் நான் எப்போதும் என்னைவிட 20 வயது குறைந்த இளம் பெண் கூட இருக்க வேண்டும் என்று வரம் கேட்டார். அந்த பதிவாளருக்கோ வயது 40 .

அதை கேட்ட அந்த தேவதை உன் விருப்பம எதுவோ அதை நான் தருகிறேன் என்று சொல்லி அவருக்கு அந்தவரத்தை கொடுத்தது அப்போது அவர் 60 வயது முதியவர் ஆனார். அவர் மனைவி எப்போதும் அவர் கூட இருக்கலானார்.

டிஸ்கி 1: இதுக்குதான் மக்காஸ் வரம் கேட்கும் போது மிக தெளிவாக யோசித்து வரம் கேட்க வேண்டும் அதே நேரத்தில் அதிக ஆசைபடக்கூடாது.

டிஸ்கி 2: உங்களிடம் அந்த தேவதை வந்து வரம் கேட்டால் நீங்கள் என்ன கேட்பீர்கள்? முடிந்தால் பின்னுட்டமாக இடவும்

டிஸ்கி 3: இனிமேல் அந்த பதிவாளரை எந்த பதிவர் கூட்டதிலும் பார்க்க முடியாது.  அந்த பதிவாளர் இப்போது புது வலைத்தளம் தொடங்கி வயதானவர் புரோபைலில் வந்து பதிவு எழுதப் போவதாக செய்தி வந்துள்ளது.

அந்த பதிவாளர் யார் என்ற செய்தியை நான் இங்கு தெரிவிக்கபோவதில்லை ஆனால் அவர் யார் என்று உங்களுக்கு தெரியவேண்டுமென்றால் ஒரு சின்ன க்ளூ தருகிறேன். பெண் என்றால் ஒரு வண்டி ஜொள்ளுவிடுபவர். முடிந்தால் அவர் யார் என்று நீங்கள் பின்னூட்டமாக அவர் பெயரை சொல்லலாம்.