சத்தமில்லாமல் சிதையும் இந்தியக் குடும்பங்கள் Gleeden, world’s first discreet dating app for private dating

 சத்தமில்லாமல் சிதையும் இந்தியக் குடும்பங்கள்
   

 சிறு வயதில் ஆம்லெட் ஆக முடியாமல் தப்பித்த முட்டைகள்தான்... வளர்ந்தவுடன் தந்தூரி சிக்கன் ஆகிறது என்று சொல்வார்கள் ஆனால் இன்று அந்தத் தத்துவத்தை நம் குடும்ப அமைப்பிற்குப் பொருத்திப் பார்த்தால், துரோகத்தின் சூட்டில் வெந்து கொண்டிருக்கும் தந்தூரியாக நமது கலாச்சாரம் மாறிக்கொண்டிருப்பது வேதனையளிக்கிறது. 

நாகரீகம் என்ற பெயரில் நாம் எதை நோக்கி ஓடிக்கொண்டிருக்கிறோம் என்று பார்த்தால் முற்போக்கு எனும் போர்வையில் முதுகில் குத்தும் துரோகத்தை ஒரு ஆப் (App) வழியாகக் கொண்டாடிக்கொண்டிருக்கிறோம். திருமணத்திற்குப் பிந்தைய கள்ள உறவுகளுக்காகவே உருவாக்கப்பட்ட கிளிடென் (Gleeden) என்ற சாக்கடை, இந்தியாவில் மட்டும் 40 லட்சம் (4 மில்லியன்) பயனர்களைக் கடந்திருக்கிறது என்ற செய்தி, நம் பண்பாட்டு வேரில் அடிக்கப்பட்ட மரண அடி! 

பெங்களூரு (18%), ஹைதராபாத் (17%), டெல்லி (11%) எனப் பட்டியல் நீள்கிறது. கைநிறையச் சம்பளம், கௌரவமான பதவி, சொகுசான வாழ்க்கை... ஆனால், உள்ளுக்குள் அழுக்கடைந்த எண்ணங்கள்! அலுவலகக் கோப்புகளுக்கு நடுவே அந்நிய உறவுகளுக்கான டிஜிட்டல் முத்தங்கள் பரிமாறப்படுகின்றன. அதிகம் படித்தவர்கள் வாழும் இடங்களில்தான் அதிகமான மறைமுக முகவரிகள் முளைத்திருப்பதுதான் காலத்தின் கொடுமை.

இதில் 65% ஆண்கள், 35% பெண்கள். திருமணமானவர்களின் தோட்டத்தில் திருட்டுத்தனமாகப் பூக்கும் கள்ளப் பூக்கள் இவை! கடந்த இரண்டு ஆண்டுகளில் மட்டும் பெண்களின் பயன்பாடு 148% உயர்ந்திருக்கிறது என்பது, குடும்பம் என்கிற புனிதமான அமைப்பு ஒரு தனிமனிதனின் தற்காலிக இச்சைக்காகத் தெருவில் வீசப்படுவதையே காட்டுகிறது. 

சராசரியாக ஒரு இந்தியப் பயனர், இந்தச் செயலியில் தினமும் 1 முதல் 1.5 மணி நேரம் அந்நியர்களுடன் அரட்டை அடிப்பதில் செலவிடுகிறார். பக்கத்தில் இருப்பவரின் மூச்சுக் காற்றை விட, மொபைல் திரையில் தெரியும் முகம் தெரியாத ஒருவரின் 'Typing...' அதிக அதிர்வை ஏற்படுத்துகிறது. ஒரு நாளைக்கு ஒன்றரை மணி நேரம் தன் துணைக்குத் தெரியாமல் இன்னொருவரிடம் குலவும் இந்த நேரம், ஒரு வாழ்நாள் நம்பிக்கையைச் சாம்பலாக்கப் போதுமானது.

  ------------------------------------------------------------------------------

சினிமா மோகம்... தொகுதிக்கே சாபம்! - விஜய்க்கு ஓட்டுப்போடுவது தற்கொலைக்குச் சமமா?  https://avargal-unmaigal.blogspot.com/2026/04/unfilteredpolitics.html

------------------------------------------------------------------------------

இது ஒரு செயலி அல்ல இது ஒரு கலாச்சார நோய்! எனது வாழ்க்கை, எனது விருப்பம் என்று சொல்பவர்கள், தாங்கள் கட்டிய தாலியின் புனிதத்தையும், தங்களை நம்பியிருக்கும் துணையின் உணர்வுகளையும் காலால் மிதித்துக் கொண்டிருக்கிறார்கள். நவீன மயம் என்ற பெயரில் நாம் தொலைத்துக் கொண்டிருப்பது நம் பாரம்பரியத்தை மட்டுமல்ல, மனித மாண்பையும் தான். 

முன்பு வீட்டு வாசலில் கோலமிட்டு வரவேற்ற நமது கலாச்சாரம், இன்று பாஸ்வேர்டுகளுக்குப் பின்னால் ரகசியமாகத் தற்கொலை செய்து கொள்கிறது. இன்று நீங்கள் ரகசியமாக அடிக்கும் இந்த 'அரட்டை', நாளை உங்கள் பிள்ளைகளின் எதிர்காலத்தையும், உங்கள் குடும்பத்தின் கௌரவத்தையும் சுடுகாட்டிற்குத்தான் கொண்டு செல்லும். இதற்கு உதாரணமாக  நடிகர் விஜய்யை சொல்லாம் 

சமூகம் அமைதியாகச் சிதைந்து கொண்டிருக்கவில்லை; சத்தமில்லாமல் தன்னைத்தானே அழித்துக் கொண்டிருக்கிறது. இந்த கிளிடென் கலாச்சாரம் நம் பண்பாட்டு வேரில் ஊற்றப்பட்டிருக்கும் ஆசிட்! 


இது போன்ற பதிவை வாசிப்பவர்கள் எல்லோரும் அதை வெறும் தகவலாக மட்டுமே கடந்து போகிறார்கள், தவறு என்று உணர்ந்து திருத்திக் கொள்வதில்லை. இதுதான் இன்றைய டிஜிட்டல் யுகத்தின் மிகப்பெரிய சாபம்.  புள்ளிவிவரங்களைப் பார்த்து அச்சச்சோ என்று சொல்பவர்கள், அடுத்த ஐந்தாவது நிமிடம் அதே மொபைல் திரையில் வேறு ஏதோ ஒரு மாய உலகிற்குள் மூழ்கிவிடுகிறார்கள்

சிந்திப்போம்... எச்சரிக்கையோடு இருப்போம்! எனபதை மட்டும் என்னால் சொல்லமுடியும்


Gleeden India-வின் நாட்டு மேலாளரான Sybil Shiddell-இன் கூற்றுப்படி, "இந்தியாவில் 4 மில்லியன் பயனர்கள் என்ற மைல்கல்லை எட்டியிருப்பது எங்களுக்கு ஒரு திருப்புமுனையான தருணமாகும். டிஜிட்டல் தொழில்நுட்பத்தின் பயன்பாடு அதிவேகமாக வளர்ந்து வருவதையும், நவீன உறவுமுறைகளை மக்கள் அணுகும் விதத்தில் ஒரு அமைதியான புரட்சி நிகழ்ந்து வருவதையும் இது உணர்த்துகிறது. இந்நாட்டில் திருமணத்தை மிகவும் புனிதமான நிறுவனங்களில் ஒன்றாகப் பலர் கருதுகின்றனர்; இருப்பினும், தங்கள் உணர்வுகளை வெளிப்படுத்தவும், தங்களைச் சுய உறுதிப்படுத்திக்கொள்ளவும் ஒரு வழியாகவே இது போன்ற தளங்களை அவர்கள் பயன்படுத்துகின்றனர். குறிப்பாக கடந்த இரண்டு ஆண்டுகளில் பெண்களிடையே ஏற்பட்டுள்ள வலுவான வளர்ச்சி, இந்தச் செயலியைப் பயன்படுத்துவது குறித்த பெண்களின் தேர்வில் அதிக நம்பிக்கையும் சுதந்திரமும் நிலவுவதைச் சுட்டிக்காட்டுகிறது. ஒவ்வொரு வயது வந்தவருக்கும், பாதுகாப்பான, தனிப்பட்ட மற்றும் கண்ணியமான முறையில் தங்கள் சொந்த முடிவுகளைத் தகவலறிந்த நிலையில் எடுப்பதற்கான ஒரு வெளியை வழங்குவதில் நாங்கள் தொடர்ந்து கவனம் செலுத்தி வருகிறோம்."

என்றும் சமூக அக்கறையுடன்,
மதுரைத்தமிழன்(Deej Durai)

#AvargalUnmaigal #அவர்கள்உண்மைகள் #MaduraiTamilan  மதுரைத்தமிழன் #SocialAwareness #TamilBlog #சமூகவிழிப்புணர்வு #Gleeden #ExtraMaritalAffairs #FamilyValues #RelationshipIssues  #கலாச்சாரம் #குடும்பம் #துரோகம் #கிளிடென் #கள்ளக்காதல் #சமூகசீர்கேடு #CulturalDecay #DigitalBetrayal #ProtectFamily #IndianCulture #MoralValues #எச்சரிக்கை #விழிப்புணர்வு #Bengaluru #Hyderabad #Delhi #NammaBengaluru #TechCityLife