பொதுமேடையில் கண்ணியம் எங்கே?"

பொதுமேடையில் கண்ணியம் எங்கே?  Celebrities, Be Responsible! 
     

நாம் எப்போது எல்லாம் பொது வாழ்க்கைக்கு வந்துவிட்ட ரஜினி, இளையராஜா போன்ற பிரபலங்களை விமர்சித்து பதிவுகள் எழுதினால் உடனே நம்மை வன்மம் பிடித்தவர்கள் என்று குறை கூறுகிறார்கள். நான் ரஜினியின் நடிப்பைப் பற்றியோ அல்லது இளையராஜாவின் இசையைப் பற்றியோ விமர்சிக்கவில்லை. அந்த நடிப்பு, இசை மிக அற்புதம். அது தமிழர்களுக்குக் கிடைத்த பொக்கிஷம். அதில் எனக்கு மாற்றுக் கருத்தே இல்லை. அதைப்பற்றி நான் விமர்சிக்கவும் இல்லை. நான் விமர்சிப்பது எல்லாம் பொது வாழ்க்கைக்கு வந்த பின் அவர்களின் கண்ணியக் குறைவான செயல்களைத்தான். முன்பு இளையராஜா மீடியாக்காரர்களிடம் "உனக்கு அறிவு இருப்பதை எந்த அறிவு கொண்டு தெரிந்துகொண்டாய்?" என்று அறிவற்றத்தனமான கேள்வி எழுப்பியபோது விமர்சித்தேன். அதுபோல அம்பேத்கரை ஒரு மோசமான தலைவரோடு ஒப்பிடும்போது விமர்சித்தோம். இப்படி கண்ணியமற்ற செயல்களைச் செய்யும்போது மட்டும்தான் அவர்களை விமர்சிக்கிறோமே தவிர அவர்களின் திறமையையல்ல. 

இப்போது நேற்று நடந்த நிகழ்வைப் பார்ப்போம். 


   

பொது மேடையில் நடத்தை என்பது ஒரு தனிமனிதனின் கண்ணியத்தையும், சமூகத்தின் மரியாதையையும் பிரதிபலிக்கும் முக்கிய அம்சம். ஆனால், இப்போதைய சில பொது மேடைகளில், குறிப்பாக பிரபலங்கள் பேசும் இடங்களில், நடத்தை மிகவும் கீழ்த்தரமாகவும், அநாகரிகமாகவும் இருக்கிறது. குடிப்பழக்கம், நடிகைகளைப் பற்றிய ஆபாசமான பேச்சு, கிசுகிசுக்கள் போன்றவை பொது மேடையில் பேசப்படுவது சமூகத்துக்கு அவமானம். இது பற்றி மிகக் கடுமையாகப் பேச வேண்டிய நேரம்.

நேற்று முதல்வர் ஸ்டாலின் தலைமையில் மக்களின் வரிப்பணத்தில் இளையராஜாவின் இசைத் திறமையைப் பாராட்டி ஒரு விழா நடத்தப்பட்டது. அதில் ரஜினி, இளையராஜா போன்ற பிரபலங்கள் குடிப்பழக்கத்தைப் பெருமையாகப் பேசுவதும், அதைக் கேட்டு கூட்டம் ஆரவாரிப்பதும் எவ்வளவு வெட்கக்கேடான செயல்? இப்படி அநாகரிகமாகப் பேசுவது ஒரு தனிமனிதனின் சொந்த விஷயமாக இருக்கலாம், ஆனால் பொது மேடையில் இவை பேசப்படும்போது, அது இளைஞர்களுக்குத் தவறான முன்மாதிரியை உருவாக்குகிறது. இது சமூகத்தின் மதிப்புகளைச் சாக்கடையில் தள்ளுவது போல! பொது மேடையில் பேசுபவர்கள், குறிப்பாக பிரபலங்கள், தங்கள் பேச்சில் ஒரு கண்ணியத்தையும், பொறுப்பையும் கடைப்பிடிக்க வேண்டும். சென்சார் போர்டு விதிமுறைகளை மதிக்கும் இவர்கள், பொது மேடையில் ஆபாசமாகவோ, அநாகரிகமாகவோ பேசுவது எந்த விதத்தில் நியாயம்? இதுபோன்ற பேச்சுகள், குடி பற்றிய பெருமை, நடிகைகளை இழிவுபடுத்தும் கருத்துகள் எல்லாம் சமூகத்துக்கு விஷம் விதைக்கின்றன. இதைக் கேட்கும் கூட்டமும், ஆரவாரிப்பதன் மூலம் இந்த அயோக்கியத்தனத்தை ஊக்குவிக்கிறது. ஏதோ உலகத்தையே வென்ற மாதிரி குதிக்கிறார்கள்! இது வெறும் அருவருப்பு இல்லை, சமூகத்தின் முகத்தில் காரித் துப்பும் அயோக்கியத்தனம்! குடிப்பது தனிப்பட்ட விஷயம், ஆனால் பொது மேடையில் இப்படி நாற்றமடிக்க, அநாகரிகமாகப் பேசுவது எந்த எழவு உலகத்தில் நியாயம்?


இது ஒரு மனிதனுக்குக்கூட தவறு என்று தோன்றவில்லையா? பொது மேடையில் நடத்தை என்பது வெறும் வார்த்தைகளோடு நின்றுவிடக் கூடாது. அது ஒரு பொறுப்பு, ஒரு மரியாதை, ஒரு முன்மாதிரி. இப்படி கேவலமாகப் பேசி, சமூகத்தை நாறடிக்கும் இந்தப் பேச்சுகளை உறுதியாக, வன்மையாகக் கண்டிக்க வேண்டும்! இவை மேடையில் பேசப்படுவது நாகரிக சமூகத்துக்கு முகத்தில் அறைவது போல! இனி இப்படியான அநாகரிக நடத்தைகளுக்கு இடமளிக்கக் கூடாது. பிரபலங்கள் தங்கள் பேச்சில் கண்ணியத்தைக் கடைப்பிடிக்க வேண்டும், இல்லையெனில் இவர்களுக்கு மரியாதையே கிடையாது! இந்த நாற்றமான நடத்தையை இனி சகித்துக்கொள்ள முடியாது! இப்படிப் பேசி ஆர்ப்பரிக்கும் மக்களும் பிரபலங்களும்தான் டாஸ்மாக்கை ஒழிக்க வேண்டும் என்று குரலும் கொடுக்கிறார்கள். 

நல்ல உலகமாக நடிப்புடா உங்களுடையது. 

மக்களின் வரிப்பணத்தில்   இளையராஜாவுக்கு  பாராட்டு விழா தேவைதானா?  

அன்புடன் 
மதுரைத்தமிழன்

 

#Rajinikanth #Ilaiyaraaja #PublicDecency #TamilSociety #NoToAlcoholGlorification #CelebrityResponsibility #SocialAwareness #TamilCultureMatters #EndToxicBehavior #RespectOnStage  
#ரஜினிகாந்த் #இளையராஜா #பொதுமேடைநாகரிகம் #தமிழ்சமூகம்  #பிரபலப்பொறுப்பு #சமூகவிழிப்பு #தமிழ்கலாச்சாரம் #நச்சுநடத்தைக்குEnd #மேடையில்மரியாதை   

#RajiniUnfiltered #IlaiyaraajaTruth #SaveTamilValues #StopStageShame #CelebsTakeResponsibility #TamilPrideAtStake #NoMoreAlcoholBoasts #RaiseTheBarTamil #VoicesForDecency #CultureOverChaos