அமெரிக்கா வந்தும் மாறாத மாமனார் மாமியார்

அமெரிக்கா வந்தும் மாறாத மாமனார் மாமியார் (இவ்வளவு கல்நெஞ்சக்காரர்களாகவா இருப்பார்கள்?

இந்தியாவில் இருந்து என் மாமனார் மாமியார் என் வீட்டிற்கு வந்து இருந்தனர். ஒரு நாள் இரவு எல்லோரும் அமர்ந்து பேசிக் கொண்டிருந்த போது என் மாமனார் பசிக்குது என்றார். உடனே என் மனைவி சரி நான் தோசை சுட்டு தருகிறேன் என்றார். உடனே என் மாமனார் நீ சுட வேண்டாம்மா மாப்பிள்ளை சுட்டு தரட்டும் அவர் சூப்பாரா தோசை வார்த்து தருவார் என்றார். ஆஹா நம்ம சமையலை ஒருவர் புகழ்ந்தால் நமக்கு தலைகால் புரியாதே அதனால் நானும் சரி சுட்டு தருகிறேன் என்றேன்.

உடனே என் மனைவியும் சரி அப்ப்டி என்றால் நான் சிறிது வாக் சென்று வருகிறேன் நீங்க என் பெற்றோர்களுக்கு தோசை வார்த்து கொடுங்கள் என்று சொல்லி சென்றுவிட்டார்...... நானும் என் இன் லா இருவருக்கும் நெய்யை மிக அதிகமாக் ஊற்றி மொரு மொறு என்று தோசை வார்த்து கொடுத்து கொண்டே  உங்களுக்கு தெரியுமா  இந்தியாவில் ஹோண்ட் கார் இஞ்சினில் பிரச்சனை என்று லட்சக் கணக்கான காரை ரீக்கால் பண்ணி இருக்கிறார்கள் என்றேன் அவரும் அப்படியா என்றார் அதன் பின் ஆமாம் என்று சொல்லி ஹோண்டா மட்டுமல்ல மாருதி காரிலும் சில பிரச்சனைகள் என்று அதையும் ரீக்கால் பண்ணி இருக்கிறார்கள் என்று சொன்னேன் அதை தொடர்ந்து சாம்சங்க் கேலாக்ஸி போனும் வெடித்து தீப்பிடிப்பாதால் அதனையும் ரீக்கால் பண்ணி இருக்கிறார்கள் என்று சொன்னேன். ஓ அப்படியா நீங்கள் இந்தியாவில் நடக்கும் செய்திகளை நன்றாக தெரிந்து வைத்திருக்கிறீர்களே என்று சொன்னார்

நானும் விடாமல் ரீக்கால் பண்ணிய பல ஐட்டங்களை தொடர்ந்து சொல்லிக் கொண்டே வந்தேன் எல்லாவற்ரையும் கேட்ட கொண்டே மேலும் ஒரு தோசை வார்த்து தாருங்கள் என்று சொன்ன போது எனக்கு உண்மையிலே கோபம் வந்தது. இவ்வளவு சொல்லியும் நான் சுற்றி வளைச்சு சொல்ல வருகிற விஷயத்தை மட்டும் புரிந்து புரியாமல் இன்னும் ஒரு தோசை என்று சொன்ன போது அவரை அப்படியே பூரிக்கட்டையால் அடித்து கொன்றுவிட வேண்டும் என்றுதான் தோன்றியது

என்னங்க நான் சொல்ல வரும் விஷயம் உங்களுக்கே புரிஞ்சு இருக்கும் ஆனால்  தான் பெற்று எனக்கு கட்டி கொடுத்த அவர் பிள்ளையை  மட்டும் மனுஷன் (their faulty products) டிபெக்ட் என்பதால் (recall) ரீகால் பண்ணுவேன் என்று வாய் திறந்து சொல்லமால் ஒன்றும் தெரியாத மாதிரி கல்லுளி மங்கன் மாதிரி இருக்கிறாரே.

அதை பார்த்தால் எனக்கு கொலை செய்யும் எண்ணம் வருவது இயல்புதானேங்க

கொசுறு :  Having a wife is PART OF LIVING but Living with wife is ART OF LIVING

* வாழ்க்கை என்பது மொபைலின் எதிர்முனையில் பேசும் மனைவி போல, அது எது சொன்னாலும் சரி என்பதைத் தவிர வேறு வழியேயில்லை.

* கஷ்டம் என்பது வாக்கிங் போயிருக்கும் மாமனார் போல, உடனே வருமா கொஞ்சம் நேரம் விட்டுட்டு வருமான்னு தெரியாட்டியும் நிச்சயம் வரும்.

* உலகம் என்பது ஊர்ல இருந்து வந்திருக்கும் மாமியார் போல, நாம அதை கவனிக்காட்டியும், அது நம்மளை நல்லாவே கண்கொட்டாம கவனிச்சுக்கிட்டு இருக்கும்.

* சந்தோஷம் என்பது மச்சினிச்சி போல, அது நம்ம கூட இருக்கோ இல்லையோ, ஆனா இருக்கிற மாதிரி நம்பிக்கிட்டு இருந்துட்டு போயிடணும்.

* அன்பு என்பது குழந்தைங்க ஸ்கூல் ஃபீஸ் போல, எதுக்கு தர்றோம் ஏன் தர்றோம்னு தெரியாட்டியும், எடுத்து கொடுத்துக்கிட்டேதான் இருந்தாகணும்.

* ஆசை என்பது நம்ம மச்சினன் போல, மொத்தமா அடக்கியும் வைக்கக்கூடாது, அதுக்காக ஓவரா ஆடவும் விடக்கூடாது.

* வசதி வாய்ப்புகள் என்பது தாத்தா பாட்டி போல, இருக்கலாம் இல்லாம போகலாம், ஆனா இருந்தா சரியா பார்த்துக்கணும்.

* நம்பிக்கை என்பது கைக்குழந்தை போல, அப்பப்ப இருக்கேன்னு அழுதோ சிரிச்சோ ஒரு அட்டண்டன்ஸ் போட்டுடணும்.

* சேமிப்பு என்பது நட்பைப் போல, நாம் களைக்கும்போது கூட அது தாங்கிப் பிடிக்க வேண்டும்.

அன்புடன்

மதுரைத்தமிழன்