விஜயகாந்திற்கு நாமம் போட்ட ஜெயலலிதா

விஜயகாந்திற்கு நாமம் போட்ட ஜெயலலிதா

தான் பெற்று எடுத்த குழந்தைகள் தன்னை திட்டினலோ ஏன் சில சமயங்களில் அடித்தாலோ அதை மறந்து மன்னித்து அரவணைத்து போவாள் பெற்ற அன்னை. ஆனால் அன்னை ஜெயலலிதாவோ தன்னிடம்  நட்பாக இருக்க கூடியவர்களையும் சந்தேக கண்ணோடு பார்த்து விரோதியாக மாற்றிக் கொள்வார் . இவர்தான் தமிழகத்தை காப்பாற்ற வந்த தமிழ் அன்னை. அந்த அன்னைதான் விஜயகாந்திற்கு நாமம் போட்ட அன்னை.

தமிழகத்திலுள்ள 10 மாநகராட்சிகளிலும் அ.தி.மு.க., போட்டியிடும் வேட்பாளர்கள் பட்டியலை, முதல்வர் ஜெயலலிதா நேற்று வெளியிட்டதன்  மூலம், தேமுதிக, இடதுசாரிகளுக்கு ஒரு மேயர் பதவி கூட தரப்பட மாட்டாது என்பதை தெள்ளத் தெளிவாக்கிவிட்ட முதல்வர் ஜெயலலிதா.விஜயகாந்திற்கு நாமம் போட்டு  தன் குடும்பத்தில் ஒருவராக ஏற்றுக் கொண்டார்.

தன் கட்சியினர்களுக்காக இந்தப் பதவிகள் மீது கண் வைத்து இத்தனை நாட்களாக அதிமுகவை எந்த வகையிலும் விமர்சிக்காமல் இருந்து வந்த தேமுதிக தலைவர் விஜய்காந்த் கடும் அதிர்ச்சிக்குள்ளாகியுள்ளார்.

தேமுதிகவைப் பொறுத்தவரை மதுரை, சேலம் மாநகராட்சிகள் உள்பட 3 மாநகராட்சிகளின் மேயர் பதவிகளை குறி வைத்திருந்தது. அந்த இடங்களையும் முக்கிய நகராட்சிகள், பஞ்சாயத்துகளின் பதவிகளையும் கேட்டுப் பெறும் வரை அதிமுக ஆட்சியை விமர்சிப்பதோ, கேள்வி கேட்பதோ இல்லை என்ற 'கொள்கையுடன்' சட்டசபையில் செயல்பட்டது தேமுதிக.


அதாவது, 10 மேயர் பதவிகளும் எங்களுக்கே. உங்களுக்கு ஒரு இடம் கூட கிடையாது என்பதை முகத்தில் அறைந்தது போல சொல்லி விஜயகாந்திற்கு நாமம் போட்டுள்ளார்  ஜெயலலிதா.

அவர் நாமம் போட்ட காரணம் எப்படியும் உள்ளாட்சி தேர்தலுக்கு அப்புறம் விஜயகாந்த வாலாட்டதான் செய்வார் என்பது ஜெயலலிதா அம்மையாருக்கு புரியாதா என்ன அதனால் தான் அவர் விஜயகாந்துக்கு நாமம் போட்டுள்ளார்.

நாமம் பெற்ற விஜயகாந்த் செய்யப் போவது அந்த நாமத்தை அழித்து விட்டு பட்டை(சரக்கு) போட்டு அந்த அம்மையாரை திட்டி தீர்ப்பார் மேலும் கலைஞரைப்போல தனித்து நிற்கப் போவதாக சபதம் விடுவார்.

இரு கம்யூனிஸ்ட் கட்சிகளுக்கும் மாநகராட்சி ஒதுக்கப்படாததால், அக்கட்சியினர் அதிர்ச்சி அடைந்துள்ளனர்.அதனால் ஜெயலலிதாவை தோற்கடிக்க & திட்டி தீர்க்க புதிய உண்டியல்களை  தயார் செய்வார்கள்.

தமிழக சட்டசபை தேர்தலுக்கு பின் போரடித்த அரசியல் இனிமேல் ரொம்ப இன்ரெஸ்டிங்காக செல்லும் என எதிர்பார்க்கப்படுகிறது