8 வருட மர்மம்... ஒரு சொட்டு ரத்தம்... 8,000 மைல்களுக்கு அப்பால் சிக்கிய கொலையாளி! Man from India accused of murdering coworker’s wife, son in N.J. 8 years ago

 8 வருட மர்மம்... ஒரு சொட்டு ரத்தம்... 8,000 மைல்களுக்கு அப்பால் சிக்கிய கொலையாளி!
        

**தேதி:** மார்ச் 23, 2017.
**இடம்:** நியூ ஜெர்சி, அமெரிக்கா.

ஒரு மாலை நேரம்... மென்பொருள் பொறியாளரான ஹனுமந்த ராவ் வேலை முடிந்து வீடு திரும்புகிறார். கதவைத் திறந்த அவருக்குக் காத்திருந்தது அந்த அதிர்ச்சி. வீடு எங்கும் ரத்தம்... தன் அன்பு மனைவி சசிகலாவும், 6 வயது பிஞ்சு மகன் அனிஷும் கழுத்து அறுக்கப்பட்டு, ரத்த வெள்ளத்தில் சடலமாகக் கிடக்கிறார்கள்! அலறித் துடித்தார் ஹனுமந்த ராவ். 
     

ஒட்டுமொத்த அமெரிக்க வாழ் இந்தியர்களையும் உலுக்கியது அந்தச் சம்பவம். "யார் இதைச் செய்தது?" - கணவன் மீது சந்தேகப் பார்வைகள் விழுந்தன. கள்ளத்தொடர்பு, குடும்பத் தகராறு எனப் பல வதந்திகள் இறக்கை கட்டின. ஆனால், ஹனுமந்த ராவ் மீது காவல்துறையினரால் எந்தக் குற்றத்தையும் நிரூபிக்க முடியவில்லை. அவருக்கு ஒரு 'Alibi' (சம்பவத்தின் போது வேறு இடத்தில் இருந்ததற்கான சாட்சி) இருந்தது.

நாட்கள் வாரங்களாகி, வாரங்கள் வருடங்களாகி... "இந்த வழக்கு அவ்வளவுதானா?" என எல்லோரும் மறக்கத் தொடங்கிய நிலையில், **8 ஆண்டுகளுக்குப் பிறகு இப்போது வெடித்திருக்கிறது அந்த 'திடுக்' செய்தி!**  

**துப்பு கொடுத்த லேப்டாப்!**

கொலை நடந்த இடத்தில், போலீசாருக்கு ஒரு துரும்பு கிடைத்தது. அது... 'ஒரு சொட்டு ரத்தம்'.

போலீசாருக்குத் தெரிந்த ஒரு உண்மை உலகுக்குத் தெரியவில்லை. கொலை நடந்த இடத்தில் சசிகலா, அனிஷ், ஹனுமந்த ராவ் ஆகிய மூவரையும் சாராத 'நான்காவது நபரின்' ஒரு சொட்டு ரத்தம் இருந்தது.

அந்த ரத்தத்திற்குச் சொந்தக்காரர் யார்? விடை தெரியாமலே 8 ஆண்டுகள் உருண்டோடின. "Murder in Maple Shade" என்ற பெயரில் ஒரு பாட்காஸ்ட் வெளியாகி இந்த வழக்கை மீண்டும் சூடுபிடிக்க வைத்தது.

அந்த ரத்தம், கொல்லப்பட்ட சசிகலாவினுடையதும் அல்ல, மகன் அனிஷினுடையதும் அல்ல, கணவன் ஹனுமந்த ராவினுடையதும் அல்ல. அப்படியானால் அந்த நான்காவது நபர் யார்?


விடை தேடி அமெரிக்க போலீஸ் சல்லடை போட்டுத் தேடியது. சந்தேகம் ஒரு நபர் மீது திரும்பியது. அவர் பெயர் நசீர் ஹமீத் (Nazeer Hameed). 
     

 கொலை நடந்த சில மாதங்களிலேயே நசீர் ஹமீத் அமெரிக்காவை விட்டு இந்தியாவுக்குத் தப்பிச் சென்றுவிட்டார்.

நசீர் ஹமீத், சசிகலாவின் கணவர் ஹனுமந்த ராவின் அலுவலகத்தில் (Cognizant) வேலை பார்த்தவர். மேலும், கொலை நடந்த அதே 'ஃபாக்ஸ் மெடோ' (Fox Meadow) குடியிருப்பில் வசித்தவர். கொலை நடப்பதற்கு முன்பு ஹனுமந்த ராவை இவர் பின் தொடர்ந்துள்ளார் (Stalking).கொலை நடந்த 6 மாதங்களில் நசீர் இந்தியா தப்பிவிட்டார்.

அவர் வேலை பார்த்த 'காக்னிசென்ட்' (Cognizant) நிறுவனம், 2024-ல் அவர் பயன்படுத்திய அலுவலக லேப்டாப்பை அமெரிக்க தடயவியல் துறைக்கு ஒப்படைத்தது.

நசீர் ஹமீத் இந்தியாவிற்குச் சென்றாலும், அவர் பயன்படுத்திய அலுவலக லேப்டாப் (Laptop) ஒரு சாட்சியாக இருந்தது. அமெரிக்க நீதிமன்றத்தின் உத்தரவுப்படி, அந்த லேப்டாப் கைப்பற்றப்பட்டு சோதிக்கப்பட்டது. அதில் இருந்த டி.என்.ஏ (DNA) மாதிரியும், 8 ஆண்டுகளுக்கு முன்பு கொலை நடந்த இடத்தில் கிடைத்த அந்த 'ஒரு சொட்டு ரத்தத்தின்' டி.என்.ஏ-வும்... துல்லியமாகப் பொருந்தின!



விசாரணையில் பல அதிர்ச்சித் தகவல்கள் வெளியாகியுள்ளன. நசீர் ஹமீத், ஹனுமந்த ராவை நீண்ட நாட்களாகவே பின்தொடர்ந்து (Stalking) வந்திருக்கிறார். இருவருக்கும் இடையே ஏதோ ஒரு முன்விரோதம் இருந்திருக்கலாம் எனச் சந்தேகிக்கப்படுகிறது. ஆனால், அந்தப் பழிவாங்கும் வெறிக்கு அப்பாவியான மனைவியும், பிஞ்சு மகனும் பலியானதுதான் கொடுமையின் உச்சம்.


தற்போது இந்தியாவிலிருக்கும் நசீர் ஹமீது மீது அமெரிக்காவில் கொலைக் குற்றம் சாட்டப்பட்டுள்ளது. அவரை நாடு கடத்தி (Extradition), அமெரிக்க நீதிமன்றத்தில் நிறுத்துவதற்கான தீவிர முயற்சிகளில் பர்லிங்டன் (Burlington) போலீஸ் இறங்கியுள்ளது.

"நாங்கள் மறக்கவும் இல்லை... மன்னிக்கவும் இல்லை!" எனச் சூளுரைக்கிறார் அந்த மாவட்டத்தின் அரசு வழக்கறிஞர்.

ஒரு லேப்டாப் மூலம் காலம் காட்டிய அந்த ஒரு சொட்டு ரத்தம், 8 ஆண்டுகாலப் புதிரை விடுவித்து, தன் அன்புக்குரியவர்களுக்காக நீதி கேட்கும் ஒரு தேசத்தின் பயணமாக மாறியுள்ளது.

காலம் கடந்தாலும் உண்மை உறங்குவதில்லை என்பதை நிரூபித்திருக்கிறது அந்த ஒரு சொட்டு ரத்தம். 8 ஆண்டுகால மௌன அழுகைக்கு எப்போது நீதி கிடைக்கும்? காத்திருப்போம்!

நீதி  இனிதேவனின் கையில்...

அன்புடன்
மதுரைத்தமிழன் 

 #COLD_CASE_BREAKTHROUGH: An Indian man is being held responsible for the deadly 2017 stabbing of a mother and her son inside a Burlington County apartment after investigators say DNA evidence taken from his company-issued laptop linked him to a blood sample found at the crime scene.

#JusticeForNarraFamily #NJColdCase #CaseSolved #TheBloodyClue #DNAonLaptop #ForensicBreakthrough #IndiaUSManhunt #ExtraditionBattle #8YearChase #TheFourthPerson  #நீதிக்காக8வருடங்கள் #நியூஜெர்சிகொலைமர்மம் #மர்மம்துலங்கியது #ஒருசொட்டுரத்தம் #லேப்டாப்சாட்சி #நான்காவதுமனிதன் #இந்தியா_அமெரிக்கா #நாடு_கடத்தல் #8000மைல்வேட்டை #அவர்கள்உண்மைகள்