முதலமைச்சர் பதவியின் கவுரவத்தை காப்பாற்ற ஜெயலலிதா முயற்சி செய்வாரா?

முதலமைச்சர் பதவியின் கவுரவத்தை காப்பாற்ற ஜெயலலிதா முயற்சி செய்வாரா?

முதலமைச்சர் பதவி என்பது மிக கவுரவமான பதவி. இதை முதலமைச்சராக இருந்த ஜெயலலிதா அவர்களுக்கு மிக நன்றாக தெரியும். அதனால் அந்த பதவியின் கவுரவத்தை காப்பாற்ற அவர் முயற்சி செய்ய வேண்டும் .

அதற்காக அவர் செய்ய வேண்டியது ஒன்றே ஒன்றுதான். இனிமேல்  முதல்வர் பன்னீர் செல்வம் அவரை சந்திக்கும் போது குனிந்து வணங்க கூடாது, தன் காலில் விழுந்து வணங்க கூடாது என்று பன்னீர் செல்வத்திற்கு கட்டளை இட வேண்டும் அது மட்டுமல்லாமல் எதிர்காலங்களில் அவர் ஜெயலலிததா கலந்து கொள்ளும் கூட்டங்களுக்கு வந்தால் ஜெயலலிதாவிற்கு அருகில் சீட் போட்டு அமரச் செய்ய உத்தரவும் போட வேண்டும், இதை தான் வகிக்கும் முதலமைச்சர் பதவியின் கவரவத்தை காப்பாற்ற கண்டிப்பாக ஜெயலலிதா அவர்கள் செய்ய வேண்டும்.

பன்னீர் செல்வம் உங்களை மிக கண்ணியமாகவும் மதிப்பிற்குரியவராகவும் நடத்துகிறார் என்பது உலகம் அறிந்த உண்மை. அப்படிபட்ட அவர் காலில் விழுந்துதான் தனது செயல்பாட்டை நிருபிக்க வேண்டும் என்ற அவசியம் இல்லைதானே.

ஜெயலலிதா அவர்களே இதை சற்று சிந்தித்து பாருங்கள்

அன்புடன்

மதுரைத்தமிழன்