இது என்ன நியாமுங்க?

இது என்ன நியாமுங்க?

என்னங்க காபி சாப்பிடுறீங்களா என்று என் மனைவி கேட்டாள் அதற்கு நான் பதில் சொல்லுவதற்கு முன்பே என் மனைவி காபி எடுத்து வந்துவிட்டாள்.

என்னடா பலி ஆட்டுக்கு கிடைக்கும் உபசரிப்பு போல உபசரிப்பு பலமா இருக்குதே என்று மனதுக்குள் யோசித்தேன்.

எப்படி இருந்த போதிலும் அதில் இருந்து தப்பிக்க வழி இல்லை என்பதால் பேசாமல் காபியை வாங்கி குடித்து கொண்டு அடுத்து என்ன நிகழப்போகிறதோ என்று சிறிது அச்சத்துடன் அப்பாவியாக முகத்தை வைத்து கொண்டு அவளைப் பார்த்தேன்

அவளோ என் அருகில் உட்கார்ந்து கொண்டு என்னங்க குடும்ப விஷயம் வீட்டுக்கு வெளியே தெரியாது இருப்பத்துதான் நல்ல குடும்பத்திற்கு அழகு என்றாள்.

நான் உடனே அதற்காக நான் பதிவு எழுதுவதை அதிலும் குடும்பத்தை பற்றி எழுதுவதையும் நிருத்தனுமா என்று கேட்டேன்.

அதற்கு அவள் பதிவு என்னவென்று கேட்டாள். அதற்கான விளக்கத்தை நான் சொன்னதும் அடச்சீ நீங்க எழுதுவது  பதிவா அதையும் நாலு பேர் வேலைமெனக்கெட்டு படிக்கிறார்களா என்று என் முகத்தில் காறி துப்பி விட்டு அதன் பின் சொன்னாள் அதைப் பற்றி எனக்கு கவலையில்லை..

நம்ம குடும்ப விசயம் வெளிய போகாம இருக்கிறது உங்க கையிலதான் இருக்கு. அதிலும் நம்மை சுற்றியுள்ள வீடுகளுக்கு தெரியக் கூடாது அதைதான் நான் சொல்ல வந்தேன் என்று சொன்னாள்.

சரிம்ம்மா அதற்காக நான் என்ன செய்ய வேண்டும் என்றேன்?

அதற்கு அவள் நான் கோபப்பட்டு என்ன அடி அடிச்சாலும் நீங்க கூச்சல் போட்டு ஊரைக் கூட்டக் கூடாது. கம்முன்னு இருக்கணும் சரியா? என்கிறாள்

இதற்கு என்ன பதில் சொல்லனும் கூட எனக்கு தெரியலை...தப்புன்னு சொன்னா உடனே வாயிலேயே அடி கிடைக்கும் சரின்னா இப்ப அடி கிடைக்காது ஆனா வழக்கம் போல லேட்டா அடி கிடைக்கும்...

என்ன கொடுமையடா சாமி

அன்புடன்

மதுரைத்தமிழன்