நீங்கள் சொல்வதெற்கெல்லாம் உங்கள் மனைவி சரியென்று தலையாட்ட வேண்டுமா? (ரகசியங்கள் )

உங்களுக்கு கல்யாணம் ஆன புதிதில் நீங்கள் சொல்வதற்கெல்லாம் உங்கள் மனைவி தலையாட்டிக் கேட்டு கொண்டே இருந்திருப்பார் ஆனால் இப்ப அப்படியெல்லாம் இல்லை என்று நினைப்பவர் நீங்கள் என்றால் மேலே தொடர்ந்து படியுங்கள்.

கல்யாணம் ஆன புதிதில் சொன்னதையே திரும்ப திரும்ப சொன்னா அதை கேட்டு புளித்து போனதால் அதை கேட்கமாட்டார்கள் அதனால் நாம் சொல்வதில் சில மாற்றங்கள் இருக்கனும்

உதாரணமாக

செல்லம் இன்றில் இருந்து நான் உனக்கு சமைத்து போடுகிறேன்.

வீட்டையும் நான் சுத்தம் செய்கிறேன்

துணியையும் நான் துவைத்து போடுகிறேன் என்று சொல்லிதான் பாருங்களேன் அதற்கு அவர்கள் எப்படி சரி சரியென்று சொல்லி தலையை ஆட்டுகிறார்கள் என்று..

அதுமட்டுமில்லைங்க. உன் இடுப்புக்கு ஒரு ஒட்டியாணம் தங்கத்தில் வாங்கிதறேன்

உன் அம்மா அப்பாவை நம் வீட்டோட வைத்து கொள்வோம்.

உனது மாமியார் மாமனாரை முதியோர் இல்லத்தில் விட்டுவிடுவோமா என்று கேட்டுதான் பாருங்களேன் அதற்கு கூட மறுப்பு ஏதும் சொல்லாமல் சரியென்று சொல்லுவார்கள்

இப்படியெல்லாம் செய்தால் நடக்குமா என்று கேட்பவர்களுக்கு இதில் பலதை நான் சொல்லி என் மனைவி சரியென்று தலையை ஆட்டிக் கொண்டிருக்கிறார். நான் என் அனுபவ உண்மைகளைத்தான் சொல்லுகிறேன்.

டிஸ்கி : சரி மக்களே நீங்கள் சொன்னால் உங்கள் மனைவி சரியென்று தலையாட்டுவார்கள் அதே மாதிரி உங்கள் மனைவி சொல்லுவதற்கெல்லாம் நீங்கள் தலையாட்டுவீர்களா என்று உங்கள் மைண்ட் வாய்ஸ் கேட்பது எனக்கு புரிகிறது அதற்கு பதில் மனைவி சொல்வதற்கு நான் தலையாட்டவிட்டால் அதுக்கு அப்புறம் அவள் கை தானாக பூரிக்கட்டையை கொண்டு ஆடிவிடுமல்லவா?

அன்புடன்

மதுரைத்தமிழன்