தமிழக இணைய தள பதிவர்களுக்குக் கண்டனம்

தமிழக இணைய தள பதிவர்களுக்குக் கண்டனம்  

நானும் எவ்வளவு நாள்தான் பொறுத்து இருப்பது. சரி இவர்களும் நம் சக பதிவர்களாயிற்றே என்றுதான் நான் மிகப் பொறுமையாகவும் அமைதியாகவும் இருந்தேன். ஆனால் எவ்வளவு காலம்தான் இப்படி பொறுமையாக இருப்பது. எதற்கும் ஒரு அளவு உண்டல்லவா?




நானும் பொறுமையாகப் பார்த்துக் கொண்டிருக்கிறேன் தமிழக பதிவர்கள் பல பேர் பல ஹோட்டல்களில் சாப்பிட்டு அதைப் பதிவாக எழுதி வெளியிடுவது மட்டுமல்லாமல் அதை போட்டோவாகவும் எடுத்து வெளியிடுகிறார்கள்.. ஒருத்தர் எழுதுகிறார் நான் XYZ ஹோட்டலுக்கு போனேன் அங்கு பரோட்டாவும் குருமாவும் சாப்பிட்டேன் மிக அருமையாக இருந்தது என்று எனக்குப் பிடித்த பரோட்டாவைப் பலவித கோணங்களில் படம் எடுத்து வெளியிடுகிறார். இன்னொருவர் இந்த ஹோட்டாலில் ஆப்பம் பாயா சாப்பிட்டேன் என்று விலாவரியாக எழுதுகிறார். இன்னொருவர் என்னவென்றால் நான் திருநெல்வேலி போனேன் அங்கு ஆபிஸர் எனக்கு இருட்டடிக்கடை அல்வா வாங்கி தந்தார் என்று பதிவிடுகிறார்.


சரி அதைவிட்டுத்த்ள்ளுவோம் என்றால் சிலர் நான் சின்ன வயதில் சாப்பிட்ட தேன்மிட்டாயைப் படம் எடுத்து அதைப்பற்றியும் சிலர் பீச்சில் சுண்டல் பஜ்ஜி வாங்கி தின்றதைப்பற்றியும் சிலர் இலந்தைப்பழம் அரிநெல்லிக்காய் ஜிகர்தண்டா வாங்கி சாப்பிட்டதையும் போட்டோ எடுத்துப் போட்டு மனதை நோக அடிக்கின்றனர்.


வேறு சிலரோ நான் பைக் ஒட்டிச் செல்லும் போது என் பைக் முன்னால் சென்ற பைக் பள்ளத்தில் குதித்த போது அந்த பைக்கின் பின்பக்கத்தில் உட்கார்ந்து இருந்த பெண்மணியும் குலுங்கினாள் அப்போது என் மனமும் குலுங்கியது என்று எழுதுகிறார்கள் பஸ்ஸில் சன்னல் ஓரம் உட்கார்ந்து இருந்த பெண்ணின் முந்தானை காற்றில் ஆடி என் முகத்தில் பட்டது அது தென்றல் வந்து தொட்டுவிட்ட்டு சென்றது போல இருக்கிறது என்று எழுதுகிறார்கள்..


இப்படி எல்லாம் எழுதிப் பதிவு இடுபவர்கள் ஒரு கணம் சிந்தித்துப் பார்த்தார்களா இதைப் படிக்கும் பார்க்கும் இந்த அப்பாவி மதுரைத்தமிழனின் மனம் என்ன பாடுபடும் என்று. இப்படி எல்லாம் எழுதி ஈவு இரக்கம் இல்லாமல் இருக்கும் இந்த தமிழ் பதிவர்களுக்குக் கண்டனம் தெரிவிப்பதில் தவறு ஏதும்மில்லைதானே..


இந்த பதிவின் மூலம் தமிழக பதிவர்களுக்கு இப்படிப் பதிவிட்டு என்னை மாதிரி உள்ள அப்பாவிகளை வாட்டி வதைப்பதை இன்றே நிறுத்த வேண்டும் இல்லையெனில் உங்கள் மனதை நோக அடிக்கும் விஷயங்களை நானும் பதிவு எழுதி படம் போட்டு உங்கள் மனதை நோக அடிக்க என்னாலும் முடியும் என்று எச்சரிக்கிறேன்..

உங்கள் மனதை எப்படி நோக அடிக்க முடியும் என்பதற்கு சில செய்திகளை உங்களுக்குச் சொல்லுகிறேன்

இங்கு எங்கள் நாட்டில் பீச்சுக்குச் சென்றால் பிகர்கள் பாடியும் ஜட்டியும் மட்டும் போட்டு எனக்கென்ன என்ற மாதிரி படுத்து இருப்பார்கள். அவர்கள் பார்ப்பதற்குத் தொந்தியும் தொப்பையும் இல்லாமல் பார்ப்பதற்கு வளவள மொழு மொழு என்று இருப்பார்கள் இந்த பாக்கியம் எங்களுக்கு மட்டுமே உண்டு. அது போல மிகத் தரமான சர்க்குகள் இங்கே கிடைக்கும். இங்கே நடக்கும் போல் டான்ஸுக்கு உங்கள் டப்பாங்க் குத்துப் பாட்டெல்லாம் ஒன்றுமே இல்லை இங்கே எந்த பெண்ணையும் பார்த்து நீ அழகாக இறுக்கே செக்ஸியாக இருக்கே என்று எல்லாம் சொல்ல முடியும் இன்னும் நிறையச் சொல்லாம் ஆனால் பதிவின் நீளம் கருதி அதை இங்கே சொல்லாமல் விடுகிறேன்.
  

உங்கள் மனச்சுரங்கத்தில் இருந்து எனக்கு பிடித்தவைகளை படங்களாகப் போட்டு வெறுப்பு ஏற்றினால் பதிலுக்கு என் மனச்சுரங்கத்தில் இருக்கும் அழகான அமெரிக்க பிகர்களை படங்களாகப் போட்டு உங்களை வெறுப்பு ஏற்ற வேண்டியிருக்கும் என எச்சரிக்கிறேன்..அதனால் நான் மேற்சொன்னவாறு பதிவுகளை இனிமேல் எழுதி வெளியிட வேண்டாம் என்று தமிழக இணையப் பதிவர்களைக் கேட்டுக் கொள்கிறேன்..



அன்புடன்
மதுரைத்தமிழன்