தமிழர்களுக்கு அன்னையர் தினத்திற்கும் அன்னையின் நினைவு நாளுக்கும் வித்தியாசம் தெரியலையா என்ன?

 தமிழர்களுக்கு அன்னையர் தினத்திற்கும் அன்னையின் நினைவு நாளுக்கும் வித்தியாசம் தெரியலையா என்ன?

  

அன்னையர் தினம் என்பது தாய்மார்கள் மற்றும் தாய்மையைப் போற்றும் ஒரு கொண்டாட்டமாகும், அதே போல் சமுதாயத்தில் தாய்மார்களின் செல்வாக்கை நிலை நிறுத்தும் ஒரு செயலாகும்,


அன்னையர் தினம் பல்வேறு வழிகளில் பரிசுகள்,  வாழ்த்து அட்டைகள் , பூக்களை  வழங்குதல் மற்றும் தாய்மார்களுடன் தரமான நேரத்தைச் செலவிடுதல் என்று   கொண்டாடப்படுகிறது, . அன்னையர்கள்  தங்கள் குடும்பங்களுக்காகச் செய்யும் அன்பு, அக்கறை மற்றும் தியாகங்களுக்கு நன்றி தெரிவிக்க வேண்டிய நேரம் இது. தனிநபர்கள் மற்றும் ஒட்டுமொத்த சமுதாயத்தை வடிவமைப்பதில் தாய்மார்கள் வகிக்கும் முக்கிய பங்கை அங்கீகரிக்க இது ஒரு வாய்ப்பாகும்

அன்னையர் தினத்தின் தோற்றம் பண்டைய கிரேக்க மற்றும் ரோமானிய திருவிழாக்களிலிருந்து அறியப்படுகிறது, அவை தாய் தெய்வங்களை மதிக்கின்றன. இருப்பினும், இன்று நாம் அறிந்த நவீன அன்னையர் தினம் அமெரிக்காவில் அதன் வேர்களைக் கொண்டுள்ளது. உத்தியோக பூர்வ அன்னையர் தினத்திற்கான பிரச்சாரம் 20 ஆம் நூற்றாண்டின் முற்பகுதியில் தொடங்கியது, அன்னா ஜார்விஸ் தலைமையில், அவர் எல்லா இடங்களிலும் தனது சொந்த தாய் மற்றும் தாய்மார்களைக் கௌரவிக்க விரும்பினார்.


1914 ஆம் ஆண்டில், ஜனாதிபதி உட்ரோ வில்சன் அதிகாரப்பூர்வமாக மே மாதத்தின் இரண்டாவது ஞாயிற்றுக்கிழமை அன்னையர் தினமாக நியமித்தார், இது அமெரிக்காவில் ஒரு தேசிய விடுமுறையாக மாற்றப்பட்டது. அங்கிருந்து, கொண்டாட்டம் மற்ற நாடுகளுக்கும் பரவியது, ஒவ்வொன்றும் அதன் சொந்த மரபுகள் மற்றும் தாய்மார்களை மதிக்கும் பழக்கவழக்கங்களைக் கொண்டுள்ளன.


அவ்வளவுதானுங்க அன்னையர் தினம் என்பது...


ஆனால் இன்று நான் சமுக இணைய தளங்களில் நம் தமிழ்கள் பலவிதமாக எழுதிப் பதிந்த ரைட் அப்புக்களை  பார்க்கும் போது அது அன்னையர் தின பதிவாகத் தெரியவில்லை. அதை அன்னையின்  நினைவு தின பதிவாகத்தான் எனக்குத் தோன்றியது.. இதில் பிரபல பதிவர்களும் அன்னைக்கு நினைவு அஞ்சலி செலுத்திய மாதிரின் எழுதிப் பதிவிட்டு இருந்தனர்

"Mother's day is a mom's memorial day since lots of
folks just think about their moms on Mother's Day"

பலரும் இறந்த போன அன்னையை நினைவு கூர்ந்து பதிவுகள் எழுதி இருந்தனரே தவிர உயிரோடு இருக்கும் அம்மாவைச் சந்தித்தும் பேசி அவர்களுக்குப் பரிசுகள் வாங்கி கொடுத்து, கூட இருந்து உணவு வாங்கி கொடுத்து அல்லது சமைத்துக் கொடுத்து தங்களின் அன்னையர்களுடன் செலவிடும் நேரத்தைப் பற்றி இது வரை யாரும் எழுதவில்லை..

சிலர் மட்டும் தங்கள் மனைவிக்கு இப்படிச் செய்து  அன்னையர் தினத்தைக் கொண்டாடி இருக்கிறார்கள். மனைவியும் ஒரு அன்னைதான் ஆனால் தன்னை பெற்று எடுத்து வளர்த்தவளும் அன்னைதானே அவர் உள்ளூரில் வேறு இடத்தில் வசித்தாலும் அல்லது வெளியூரில் வசித்தாலும் அங்குச் சென்று அவர்களுக்கு மரியாதை செலுத்துவதுதானே முறை.

இந்த வருடம் முடிந்துவிட்டது அடுத்த வருடத்திலிருந்தாவது நாம் அன்னையை நேரில் சென்று கெளரவிப்போம்

உடனுக்குடன் எனது யூடியுப் வீடியோ க்ளிப்களை கண்டு மகிழ  இங்கே செல்லுங்கள் www.youtube.com/@maduraitamilguy

சின்ன சிறு செய்திகளை கண்டு ரசிக்க  இங்கே வாருங்கள் https://www.facebook.com/avargal.unmaigal/

அன்புடன்
மதுரைத்தமிழன்