நியாயமான விஷயங்களுக்கு நாம் இன்று குரல் கொடுக்காவிட்டால் ?

நியாயமான விஷயங்களுக்கு நாம் இன்று குரல் கொடுக்காவிட்டால் பிறகு என்றைக்கும் நம்மால் குரல் கொடுக்க முடியாது


சோபியாவின் செய்கை தொடர்பாக ஒரு பெரிய விவாதமே நடந்துகொண்டிருக்கிறது.  சோபியா சொன்னது தவறா, இல்லையா என்று பார்த்தால் தவறு என்றும் சொல்லாம் இல்லை என்றும் சொல்லாம்.

சோபியா பாசிச பாஜக ஒழிக என்று சொன்னதில் எந்த வித தவறும் இல்லை.... அதை பொது வெளியில் சத்தமாக சொல்லி இருந்தாலும் தவறு இல்லை... ஆனால் ஒரு தலைவர் அதுவும் பெண்மணி தனியாக இருக்கும் போது இப்படி சத்தம் போட்டு சொல்வது சரி இல்லைதான்...காரணம் பொதுவாழ்வில் இருக்கும் தலைவர்களுக்கு இப்படி சத்தம் போடுபவர்கள் யார் என்று கூட தெரியாததால் அந்த பயணம் முழுவதும் ஒரு பதட்டத்துடந்தான் இருப்பார்கள் அது போலத்தான் தமிழிசைக்கும் இருந்திருக்கும் என்பது என் யூகம்.....

சரி அந்த சிறு பெண்தான் தவறு செய்து இருந்தாலும் தலைவாரக இருக்கும் தமிழிசை தனக்குள் ஒரு விதம் பதட்டதுடன் கூடிய பயம் இருந்திருந்தாலும் அதை பெருந்தன்மையோடு மன்னித்து மறந்து இருக்க வேண்டும்..அதைவிட்டு விட்டு முட்டாள் தனமாக விமான நிலையத்தில் சண்டை போட்டு அந்த பெண்ணை கைது செய்து சிறைக்காவலில் வைத்திருக்கும் அளவிற்கு கொண்டு போனது மகா தவறு..வடிகட்டின முட்டாள் தனம்...

மக்களின் உள் மனதில் பாசிச பாஜக என்று அடக்கி வைத்திருந்த உணர்ச்சி இந்த சம்பவத்தால் எரிமலையாக வெடித்து நாடெங்கும் பாசிச பாஜக என்று பரவி நாறடித்து கொண்டிருக்கிறது...

இன்னும் நேரம் கடந்துவிடவில்லை பாஜகவின் தேசிய தலைவர்கள் உடனடியாக தலையிட்டு சோபியாவை விடுதலை செய்ய ஏற்பாடு செய்ய வேண்டும் அப்படி செய்யவில்லை என்றால் தன் தலையிலேயே கொள்ளிக்கட்டையை வைத்து தலை சீவுவது போலத்தான் இது முடியும்....

 இன்று சோபியாவின் மீது தொடரப்பட்ட வழக்கை ரத்துசெய்து அவரை நிரந்தரமாக விடுதலை செய்தி அவர் படிப்பை தொடர ஏற்பாடு செய்ய வேண்டும்.

இதுபோன்ற நியாயமான விஷயங்களுக்குக் குரல் கொடுக்காவிட்டால், கோஷம் போடாவிட்டால் நாம் என்றைக்குமே, வேறு எதற்காகவும் கோஷம் போட முடியாது!

தமிழா இதயம் சொல்வதை செய் வெற்றியோ தோல்வியோ அதை தாங்கும் சக்தி அதற்கு மட்டும் தான் உண்டு


அன்புடன்
மதுரைத்தமிழன்

டிஸ்கி: வாழ்க்கை மிகவும் பிஸியாக போய்க் கொண்டிருப்பதால் முன்பு போல உடனடியாக பதிவுகள் இட முடியவில்லை...