அடப்பாவிங்களா?

 அடப்பாவிங்களா?



இவ்வுலகில் இருந்தும் மறையவில்லை இணையத்தில் இருந்தும் மறைந்து கொள்ளவில்லை




வாழ்க்கை மிகவும் பிஸியாக போய்  கொண்டிருப்பதால் இணைய தளங்களுக்கு வர நேரமில்லை அதனால்தான் இப்பொழுது பதிவுகள் ஏதும் வெளியிடுவதில்லை..

இன்று வேலையில் இருக்கும் போழுது லஞ்ச டயத்தில்  பேஸ்புக் பக்கம் வந்த போது எனது பெரும் மதிப்பிற்குரிய நண்பர் ஆல்பிரட் செளக்கியமா என்று கேட்டார்... ஆமாம் நான் செளக்கியம் நீங்கள் செளக்கியமா என்று கேட்டேன்... அப்போது அவர் சொன்னார் உங்களை பற்றி இணையத்தில் வதந்திகள் வந்து இருக்கின்றன என்று சொல்லி சிறிது வெயிட் பண்ணுங்க என்றார் நானும் சிறிது நேரம் வெயிட் பண்ணி பார்த்துவிட்டு அவரிடம் இருந்து உடனே பதில் வராததால் வேலையை பார்க்க சென்றுவிட்டேன்...

வேலையை பார்த்து கொண்டே என்னை பற்றி என்ன வதந்திகள் வந்து இருக்க கூடும்... ஒரு வேளை இன்பாக்ஸில் நான் ஜொள்ளு கொட்டிய பெண்களில் யாரோ ஒருவர்தான் #MeToo  என்று பதிவிட்டு இருப்பார்களோ என்று சற்று நினைத்து பார்த்தேன்.... ஆனால் நான் ஜொள்ளுவிடும் பெண்கள் எல்லாம் மிகவும் நம்பிக்கைக்கு பாத்திரமானவர்கள் அதனால் அந்த மாதிரி செய்திகள் ஏதும் வந்து இருக்காது  அப்படி என்றால் வேறு என்ன மாதிரி செய்திகள் வந்து இருக்க கூடும் என்று நினைத்து கொண்டு  இருந்த போது நண்பர் விசு போன் பண்ணி என்ன மதுர எப்படி கீரே நல்லா இருக்கியா என்றார்.....என்னடா இவரும் நம்மை  தீடிரென்று நலம் விசாரிக்கிறாரே... சில வாரங்களுக்கு முந்தான் இவரிடம் இன்பாக்ஸில் பேசினோமே... என்று நினைத்த போது அவர் சொன்னார் மதுர நீ புட்டுகிட்ட என்று பலர் விசாரிக்கிறார்கள் அதனால்தான் போன் பண்ணினேண் அதனால் உனது தளத்தில் போய் ஒரு வரியில் நீ புட்டுகில்ல இன்னும் மாமிகிட்ட பூரிகட்டையால் தெம்பாக அடிவாங்கி கொண்டு வாழ்ந்து கொண்டு இருக்கிறார் என்று செய்தி போடு என்று சொன்னதால் இந்த பதிவு


யாரோ இப்படி ஒரு செய்தியை கிளப்பி விட்டு இருக்கிறார்கள் என நினைக்கிறேன்.


எனது வாழ்க்கை இப்போது காலை 4 மணிக்கு தொடங்கி இரவு 11  அல்லது 12 மணி அளவில் முடிகிறது .வீக்கெண்டில் புதிதாக சில கற்று கொள்ள வகுப்பில் சேர்ந்து இருக்கிறேன்... அந்த வகுப்பில் இரண்டு செளத் இண்டியன் பெண்களும் 5  நார்த் இண்டியன் பெண்களும் சேர்ந்து இருக்கிறார்கள் அவர்களிடம் ஜொல்லு விடவே நேரம் சென்றுவிடுவதால் வார இறுதியிலும் நான் பிஸியாக இருக்கிறேன்


நவம்பர் மாதம் அந்த வகுப்புக்கள் முடிந்துவிடும் அதன் பின் நேரம் கிடைக்கும் போது வந்து எழுதுகிறேன்...


என் இறப்புக்கு யாராவது நிதி திரட்டி இருந்தால் அதை அனுப்பி வைக்க மறக்காதீர்கள்


என்றும் அன்புடன்
உங்கள் அபிமானத்திற்குரிய
மதுரைத்தமிழன்(டி.ஜே துரை)

இங்கே நான் தலைகாட்டிக் கொண்டுதான் இருக்கிறேன்
https://www.facebook.com/avargal.unmaigal