அபிராமியை மட்டும் குற்றம் சொல்வதில் பயனில்லை.

அபிராமியை மட்டும் குற்றம் சொல்வதில் பயனில்லை..


கடந்த வாரம் முழுவதும் இணையத்திற்கு விடுமுறை கொடுத்து இருந்தேன்...இங்கு நான் இணையம் என்று சொல்வது சமுக வலைத்தளங்கள் மற்றும் மீடியா செய்திகளுக்கு. அதனால் நாட்டில் என்ன நடக்கிறது என்பது கூட தெரியாமல் இருந்திருந்தேன். நேற்று வந்து பார்த்த போதுதான் எங்கும் அபிராமி மற்றும் தமிழிசை பாசிச பாஜக பற்றிய செய்திகள் அறிந்து கொண்டேன

 காதல் திருமணம் செய்து கொண்ட அபிராமி தன் எட்டு ஆண்டுகால காதல் வாழ்க்கையின் இறுதியில் சந்தர்ப்ப சூழ்நிலையால் கள்ள தொடர்பு ஏற்பட்டு அதனால் தன் இரு சிறு குழந்தைகளையும் கொன்றுவிட்டார் என்று செய்திகள் அறிந்தேன். அபிராமியை பலர் குறை கூறி எழுதி இருந்தனர். மேலும் பலர் இந்த செய்தியை அறிந்து அதிர்ச்சி கொண்டனர் என்று பகிரிந்து இருந்தார்கள்... ஆனால் எனக்கு இந்த செய்தி அதிர்ச்சியை தரவில்லை. காரணம் இன்றைய சீரழிந்த சமுகத்தில் இப்படிப்பட்ட நிகழ்கவுகள் நடக்கவில்லை என்றால்தான் அதிர்ச்சி அடையவேண்டும்.

அபிராமி சிறு குழந்தைகளை கொன்றது மன்னிக்க முடியாத செயல்தான் ஆனால் அதற்காக அபிராமியை மட்டும் குறைகூறுவதை மட்டும் என்னால் ஏற்றுக் கொள்ள முடியவில்லை அந்த கொலைகளுக்கு நம் சமுகமும் மறைமுகமாக உதவி செய்து கொண்டுதான் இருக்கிறது..

சரி இந்த கொலைகளுக்கான காரணம் என்ன என்பதை நான் சற்றி யோசித்து பார்ப்போமே?

முதலில் நம் சமுகத்திற்கு காமம் , காதல் ,கல்யாணம் என்பதற்கான முழு அர்த்தம் கூட தெரியவில்லை என்பதுதான் முதல் தவறு. ஒரு முறைதான் காதல் வரும் என்பது தமிழர் பண்பாடு என்று சொல்லி கொண்டு இருக்கிறோம் ஆனால் அந்த ஒரு முறைதான் எப்போது என்று சரியாகத் தெரியாமல்தால் பல கள்ள தொடர்புகள் ஏற்பட்டுகின்றன வாழ்க்கை சீரழிகிறது

விட்டு விலக நினைக்கும் உறவை, இழுத்துப்பிடித்தால் பந்தம் அறுபடுவதோடு, உயிர்ப்பலிகளும் ஏற்படக்கூடும் என்பதை உணராததால் என்னவோ அபிராமியின் கணவர் விஜய்யும்,அபிராமியின் பெற்றோர்களும் இந்த பலிக்கு மறைமுகமாக காரணகர்த்தாவாகவும் இருக்கிறார்கள் என்பது மறுபக்க உண்மைகள்

சரி இந்த கொலைகளை அபிராமி ஏன் செய்து இருக்கிறார் என்று பார்ப்போம்

அபிராமி காதல் திருமணம் செய்து கொண்ட போது அவருக்கு வயது 17 இந்தவயதில் அவருக்கு முழு மெச்சூரட்டி என்பது இருந்திருக்க வாய்ப்பு இல்லை... அந்த தருணத்தில் அவருக்கு காம உணர்வும் அதிகம் ஏற்பட்டு இருக்கவும் வாய்ப்பு இல்லை... அவருக்கு ஏற்பட்டு இருப்பது எல்லாம் இனக்கவர்ச்சி மட்டும்தான்... அந்த இனக்கவர்ச்சியால் உந்த பட்டு அதை காதலாக நினைத்து திருமணம் வரை சென்று இருக்கிறார் என்பதுதான் உண்னையாக இருக்க முடியும் அவரது கணவர் விஜய்க்கோ 25 வயது ஆண்களின் காமம் உச்ச கட்டத்தில் இருக்கும் வயது அந்த காமத்தை அவரும் காதல் என்று நினைத்து திருமணபந்தத்தில் குதித்து இருக்கிறார். இந்த வயதில் ஆண்கள் மற்றும் பெண்களுக்கு மெச்சூரட்டி அதிகம் ஏற்படுவதில்லை அதனால்தான் அவர்களுக்கு கவர்ச்சி காமம் காதல் திருமணம் போன்றவைகளுக்கு முழு அர்த்தம் தெரியாமல் இருந்து கனவுலக வாழ்க்கையில் ஈடுப்பட்டதன் விளைவே இந்த குழந்தைகளின் பலிக்கு காரணம் என்பேன்..இவர்கள் இருவருக்கும் மெச்சூரட்டி இருக்கும் என்றால் தங்களின் வாழ்க்கை தரத்தை சற்று உயர்த்திய பின் தான் திருமண வாழ்க்கைக்குள் அடி யெடுத்து வைத்திருப்பார்கள் ஆனால் அப்படி இல்லை என்றதால் மிக அவரசரப்பட்டு திருமணம் செய்து வாழ்க்கையை சீரசித்து கொண்டார்கள்

17 வயதில் திருமணம் செய்து கொண்ட சின்ன சிறு பெண் குழந்தையை பெற்று எடுத்து வளர்க்கிறாள் அவளே ஒரு சிரு குழந்தை  அவளுக்கு ஒரு குழந்தையாயா? அதிலும் பெற்றோர்களை எதிர்த்து திருமணம் செய்து கொண்ட பெண். பிள்ளை பெற்றதும் அதனை வளர்க்க யார் துணையில்லாமலும் வளர்த்து இருக்க வேண்டும்.. பெரியவ்ர்களின் துணை இருந்தும் பிள்ளை பெற்று வளர்க்கும் முதல் சில ஆண்டுகள் பெண்களுக்கு டிப்ரஷன் ஏற்படுவது இயல்பு.. நிச்சயம் அபிராமிக்கும் டிப்ரஷன் எற்பட்டு இருக்கும்..

கல்யாணம் ஆனபுதிதில் வேலை முடிந்ததும் ஒடி ஒடி வரும் கணவன் சில காலம் கழித்து  அப்படி ஒடி வருவதை குறைத்து கொள்ள ஆரம்பிக்கிறான். இங்கும் அது நடந்து இருக்கும் வாய்ப்புக்கள் மிக அதிகம். அதுமட்டுமல்ல படித்து வாழ்க்கையில் சந்தோஷமாக சிறகடித்து பறக்க வேண்டிய நேரத்தில் கல்யாணம் குழந்தை என்று கால் கட்டு ஏற்பட்டபின் இழந்ததை நினைத்து வருந்துவது இயற்கைதான்.. தன் வயது ஒத்த தோழிகள் நன்றாக படித்து நல்ல வேளைவாய்ப்பை பெற்று வாழ்வதை பார்த்து தன்னிரக்கம் கூட ஏற்பட்டு இருக்கலாம்..

இப்படிபட்ட தருணத்தில் அதிக சப்போர்ட்டாக இருக்க வேண்டிய காதல் கணவனோ குடும்பம சற்று பெரிதாகியாதால் வேலையில் அதிகம் கவணம் செலுத்தி அதற்கு அதிக நேரம் செலவிடுவதால் காதல் மனைவியை கவனிக்க நேரமில்லாமல் போய்விடுகிறது... இப்படித்தான் இரு பிள்ளைகளை பெற்ற அபிராமி விஜய்க்கு ஏற்பட்டு இருக்க வேண்டும். அதுமட்டுமல்ல நமது இளைஞர்கள் கல்யாணம் ஆனபின்பும் தங்களது வாழ்க்கையை பேச்சுலர் வாழ்க்கை போல தொடர்ந்து வாழ்ந்து கொண்டு இருக்கிறதும் ஒரு தவறுதான்.. தன்னை நம்பி வீட்டில் ஒருத்தி இருப்பாள் என்பதை கவனத்தில் கொள்ளாமல் வேலை முடிந்ததும் நண்பர்களுடன் நேரம் செலவழித்துவிட்டு இரவு லேட்டாக திரும்பவதும் நடை பெற்றுக் கொண்டிருக்கிறது..

இது எல்லாம் பெண்களை ஒருவித டிப்ரெஷன் நிலைக்கு கொண்டு வந்துவிடுகிறது.. இந்த நேரத்தில் ஒரு குப்பனோ சுப்பனோ ஆதரவாக பேசும் பொது தன்னிலை மறக்க செய்துவிடுகிறார்கள் பெண்கள் இதில் அபிராமியும் விலக்கு அல்ல... இப்படி தன்னிலை மறப்பதும் மெச்சூரட்டி இல்லாமல் இருப்பதால்தான் அபிராமி பேங்கில் வேலை செய்து  தன்னை காப்பாற்றும் கணவனைவிட கல்யாணம் ஆகி பிரியாணிக்கடையில் வேலை பார்க்கும் ஒருவன் தன்னை சந்தோஷமாக வைத்து காப்பாற்றுவான் என்று நிணைத்து கொண்டது

இப்படி பலர் மெச்சுரட்டி இல்லாமல் இருப்பதற்கு காரணம் குழந்தைகலை வளர்க்கும் முறை கல்வி முறை மேலும் விஜய் டீவி போன்ற சின்ன திரை ஊடகங்கள் மூலம் தவறான கருத்து மற்றும் கலாச்சார பண்பாட்டை கெடுப்பதும்தான்... அதனால் இந்த கொலைக்கு அபிராமியை மட்டும் குறை சொல்லாமல் ஒட்டு மொத்த சமுகத்தையும் குறை சொல்ல வேண்டும்

அபிராமியை மட்டும் குற்றம் சொல்லுபவர்களே! அபிராமி உங்கள் வீட்டில் மனைவியாக சகோதரியாக தோழியாக வாழ்ந்து கொண்டிருக்கலாம்...அதனால் இந்த அபிராமியை குற்றம்மட்டும் சொல்லிக் கொண்டிருக்காமல் உங்கள் வீடுகளில் இன்னொரு அபிராமி இருக்காமல் பார்த்து கொள்ளுங்கள். நாளையே அபிராமி விடுதலையாகி வெளிவந்தால் அவள் எந்த ஆணிடமும் உறவு கொள்ள வந்தால் அவர்கள் ச்சீய் என்று அவளை விலக்கி விடாமல் அவளுடன் கட்டி பிடித்து உருளும் ஆண்களும் இன்று திட்டிக் கொண்டிருக்கலாம் அவர்கள் இந்த அபிராமியை விட மோசமானவர்களே

அன்புடன்

மதுரைத்தமிழன்