நெல்லைத்தமிழனால் மதுரைத்தமிழனுக்கு ஏற்படவிருந்த ஆபத்து

நெல்லைத்தமிழனால் மதுரைத்தமிழனுக்கு  ஏற்படவிருந்த ஆபத்து



நெல்லைத்தமிழன் என்பவர் எங்கள் ப்ளாக் என்ற வலைத்தளத்தில் கடந்த திங்கள் அன்று  மோர்க்கூழ் என்ற சமையல் குறிப்பு இட்டு இருந்தார்.

அது இதுதான்.


மோர்க்கூழுக்குத் தேவையானவை  ******(இருவருக்குப் போதுமானது)******* இது இப்போதுதான் கண்ணிற்கு படுகிறது ஹும்

மோர் மிளகாய்  5 (நீளமாக இருந்தால்.) உருண்டைனா 7-8 கூட போடலாம், காரம் வேணும் என்றால்)
அரிசி மாவு – 1  கப்
மோர் அல்லது கூழான தயிர் – 1  1/2  கப்
தண்ணீர் 3 1/2 அல்லது 4 கப்
உப்பு தேவையான அளவு



நல்லெண்ணெய்  5 மேசைக்கரண்டி
கடுகு 1 ஸ்பூன்
உளுத்தம்பருப்பு 1 மேசைக்கரண்டி
கடலைப்பருப்பு 1 மேசைக்கரண்டி
பெருங்காயம் 1 சிட்டிகை
கருவேப்பிலை 3 ஆர்க்

செய்முறை

முதலில் அரிசி மாவு, உப்பு, தயிர் சேர்த்து நன்றாக கட்டியில்லாமல் கலந்துகொள்ளவும். அதில் தண்ணீர் விட்டு (சொன்ன அளவு) நன்றாகக் கரைத்துக்கொள்ளுங்கள்.

கடாயில் நல்லெண்ணெய் முழுவதும் (5 ஸ்பூன்) விட்டு, சுட்டவுடன், அதில் மோர் மிளகாய் கிள்ளிப்போட்டு வறுத்துக்கொள்ளவும். ஓரளவு வறுபடும்போது, அதில்  பெருங்காயம், கடுகு,  உளுத்தம் பருப்பு, கடலைப் பருப்பு, பிறகு கருவேப்பிலை சேர்க்கவும்.

இதனுடன் கரைத்துவைத்துள்ள அரிசிமாவு கலவையைச் சேர்க்கவும். அது ரொம்ப நீர்க்க இருக்கும்.

நல்லா கிளறணும். தீயை மிதமாக வைத்துக் கிளறினால், கொஞ்சம் கொஞ்சமாக அது கெட்டிப்படும்.

இடையில் கொஞ்சம் நல்லெண்ணெய் விடலாம். எண்ணெய் விட விட, மோர்க்கூழ் அருமையாக வரும்.

இந்த மாதிரி உணவு ஐட்டங்கள் என்றால் என் மனைவிக்கு பிடிக்கும் என்பதால் அதுவும் என் மனைவி சைடு உறவினரான நெல்லைத்தமிழன் போட்டு சமையல் குறிப்பு என்பதால் அதை செய்து மனைவியை கொஞ்சம் அசத்தலாம் என்று நினைத்து இன்று செய்தேன்

ஆனால் அதில் என்ன பிரச்சனை வந்தது என்றால் அவர் போட்ட பதிவு இந்தியாவின் திங்கள் கிழமை காலையில் வெளி வந்தது... அதாவது என் நாட்டு மணிப்படி ஞாயிற்று கிழமை இரவு. அன்று இரவு கோடைக்காலத்திற்கு ஏற்ற குளிர் பாணம் தாயாரித்து நான் அருந்தி கொண்டே  நெல்லைத்தமிழனின் மோர்கூழ் குறிப்பை படித்தேன்

அந்த குறிப்பை செவ்வாய்கிழமை இரவு ஞாபகத்தில் வைத்து தயாரிக்க தொடங்கினேன்.. அவரின் ரிசிப்பியில் ஒரு கப் அரிசி மாவு எடுத்து செய்து தன் பையனுக்கு செய்து கொடுத்தாக  சொல்லி இருந்தார். அதில் அவர் சாப்பிட்டதாக சொல்லவில்லை என நினைக்கிறேன்..

அவர் சொன்ன அளவை வைத்து ஒரு கப் ஒரு ஆளுக்கு என்றால் எங்கள் வீட்டில் என்னை சேர்த்து மூன்று பேர் வீட்டில் உள்ளவர்கள் அனைவரும் அளவு குறைத்தே சாப்பிடுவோம் என்பதால் மூன்று கப் எடுத்த்து செய்தால் இரண்டு வேளைக்கு வரும் என்று கருதி 3 கப் அரிசி மாவு எடுத்து செய்ய தொடங்கினேன் அதற்கு ஏற்றவாறு அவர் சொன்ன மற்ற தேவையான பொருட்களையும் 3  கப் அரிசி மாவிற்கு தேவையான அளவு எடுத்து தாயாரிக்க ஆரம்பித்தேன்

அதை செய்ய ஒரு பெரிய பாத்திரம் தேவையாக இருந்தது. இதை பண்ணும் போது நான் நினைத்தது என்ன்வென்றால் பண்ணி முடிக்கும் போது அது சுண்டி மிக குறைந்த அளவாகிவிடும் என்றும் நினைத்து இருந்தேன்... மனைவி ஆபிஸ் முடிந்து காரில் வந்து கொண்டிருக்கும் போது இன்று என்ன சமையல் பண்ணிறீங்க டின்னருக்கு என்று கேட்டாள் நானும் உன் உறவினரில் ஒரு போட்ட சமையல்  குறிப்பில் இருந்த மோர்கூழ் பண்ணுகிறேன் அதுமட்டுமல்ல உன்னுடைய மற்ற உறவினர்களும்  அதை பாராட்டி இருக்கிறாகள் அதை படித்து செய்கிறென் என்று சொல்லிவிட்டேன்

அதன் பின் ஒடினேன் ஒடினேன் வாழ்க்கையின் ஒரத்திற்கே ஒடினேன் என்று பாராசக்தியில் சிவாஜி வசனம் பேசுவது போல நானும் மோர்கூழை கிளறினேன் கிளறினேன்  கை வழிக்க வழிக்க கிளறிக் கொண்டே இருந்தேன் ஆனால் அது கெட்டியாகும் போது அளவு குறையாமல் இருந்தது.


என்னடா இந்த மதுரைத்தமிழனுக்கு வந்த பிரச்சனையாக இருக்கிறதே இந்த அளவை பார்த்தால் மனைவிக்கு நெஞ்சுவலியே வந்துடுமே அப்படி அவளுக்கு நெஞ்சு வலித்தால்  என் உடம்புக்கு வழி பூரிக்கட்டையால் வந்துவிடுமே.... இந்த நிலைமையை எப்படி சாமாளிக்கைற்து என்று போன் பண்ணி நெல்லைத்தமிழ்னிடமா கேட்பது அது நடக்கிற காரியாமா என்று யோசித்து கொண்டே மனைவிக்கு ஒரு போனை போட்டு எங்கு வந்து கொண்டிருக்கிறாய் என்று கேட்டேன் இன்னும் 25 நிமிடத்தில் வீடு வந்துவிடுவதாக சொன்னது மட்டுமில்லாமல் நன்றாக பசிக்கிறது அதனால் சீக்கிரம் செய்து முடியுங்கள் என்று வேறு உத்தரவும் போட்டாள்..



சரி என்ரு சொல்லிவிட்டேன் ஆனால் அதன் பின் உடம்பு எல்லாம் பதறியது என்ன செய்வது என்று சட்டென்று யோசித்து வேறு ஒரு பாத்திரத்தை எடுத்து அதில் பாதிக்கும் மேல் இந்த மோர்கூழை எடுத்து காராஜ்ஜில் ஒழித்து வைத்துவிட்டு மீதியை தொடர்ந்து கிளறினேன்... இதில் எண்ணெய் அதிகம்விட்டால் நல்ல டெஸ்டாக இரூக்கும் என்று வேறு சொன்னதால் அதையும் தாராளமாக வீய்டு கிளறத் தொடங்கினேன்  அது முடியும் தருணத்தில் மனைவி வீட்டுக்கு வந்ததும் மிகவும் பணிவாக அடியே உண் உறவினர் சொன்ன முறைப்படி செய்து கொண்டிருக்கிறேன் கொஞ்சம் பார்த்த்துவிட்டு சொல்லேன்  என்று கேட்டதும் அவள் வந்து பார்த்துவிட்டு என்னங்க் இவ்வளவு அதிகமாக செய்யுறீங்க எதையும் உங்களுக்கு கொஞ்சம் குறைவா செய்யத் தெரியாதா என்று சத்தம் போட்டுவிட்டு டெஸ்ட் பார்த்தாள்..... நன்றாக வந்து இருக்கிறது என்று சொல்லிவிட்டு பண்னியதை தட்டில் எடுத்து போட்டு சாப்பிட ஆரம்பித்தால் பாவம் நல்ல பசி மயக்கமாக இருந்திருக்கும் போல அதனால் வேறு ஏதும் சொல்லாமல் சாப்பிட்டுவிட்டாள். என் குழந்தையும் சாப்பீட்டு விட்டது இதை சாப்பிட்ட எல்லோருக்க்கும் மோர்மிளகாய்க்கு பதிலாக பச்சை மிளகாய் போட்டு செய்து இருந்தால் இன்னும் சுள் என்று நன்றாக உறைத்து இருக்குமே என்று நினைக்க தோன்றியது


நல்லவேளை எனது சமார்த்தியத்தால் தலைக்கு வந்ததது தலைபாகையோடு போன மாதிரி ஆனது... நாளை மனைவி வேலைக்கு போனதும் காராஜில் ஒழித்து வைத்த மீதி மோர்க்கூழை எடுத்து ஒரு பிளாஸ்டிக் கவரில் நன்றாக கட்டி போட்டு குப்பை தொட்டியில் போட்டுவிடனும்


நெல்லைத்தமிழன் போட்ட சமையல் குறிப்பால் மதுரைத்தமிழனின் உயிர் போய் மீண்டும் வந்தது எல்லாம் அத்தி வரதர் காட்சி தந்ததன் புண்ணியமாகத்தான் இருக்கனும்


அன்புடன்
மதுரைத்தமிழன்

டிஸ்கி :  மோர்கூழ் குறிப்பை இங்கு மறு பதிவு செய்து இருக்கிறேன் அதற்காக எங்கள்ப்ளாக்கிற்கும் நெல்லைத்தமிழனுக்கும் எனது நன்றிகள்