மக்களிடம் என்னதான் எடுத்து சொல்லுங்க......

மக்களிடம் என்னதான்  எடுத்து சொல்லுங்க......

நாம் ஆசைப்படுவதில் கிடைக்கும் சந்தோஷத்தைவிட நம்மிடம் இருப்பதில் கிடைக்கும் சந்தோஷம் அதிகமே

 நாம் உடுத்தும் வேஷ்டியும் கைலியும்தான் மிக சௌரியமாக இருக்கும் சுகத்தையும் தரும். ஆனால் நாம்  உயர் தர பிராண்ட் நேம் கொண்ட ஜீன்ஸ் சர்ட் போன்றவைகளை  அணிய ஆசைப்படுவோம்..

அது போல ரோட்டோர டீ கடையில் ஒரு சாயா குடித்து கொண்டு பஜ்ஜியை கடித்து கொண்டு நண்பர்களிடம் வாய்விட்டு சிரித்து பேசி மகிழ்வோம் ஆனால்  பைவ் ஸ்டார் ஹோட்டல்களில் உயர்தர மக்களுடன் உணவு அருந்த ஆசைப்படுவோம் .

அது போல தன்னந்த தனியாக அமைதியாக நீண்ட நடைபயணம் நமக்கு தரும் சந்தோஷத்திற்கு அளவே இல்லை என்பதும் நமக்கு புரியும். ஆனாலும் விலை உயர்ந்த கார் வாங்கி அதில் நீண்ட தூரம் பயணம் செய்ய ஆசைப்படுவோம்.

அது போல எங்கோ ஒரு ரேடியோவில் ஒலிக்கும் ஒரு பாடல் நம் முகத்தில் புன்னகை வரவழைக்கும்.. ஆனால் அதிக மெம்மரி கொண்ட ஸ்மார்ட் போனை வாங்கி அதில் நமக்கு பிடித்த நூற்றுக் கணக்கான பாடல்களை சேர்த்து வைப்போம் அல்லது அப்படி செய்ய ஆசைப்படுவோம்.


வீட்டில் உள்ள கண்ணாடியில் நம் முகம் பார்க்கும் போது கிடைக்கும் உண்மையான சந்தோஷத்திற்கு ஈடு இணையில்லைதானே.
ஆனாலும் ஆயிரம் செல்பி எடுத்து புரொபைலில் வைக்க ஆசைப்படும் மனம்.


இப்படிதான் நம்மிடம் இருப்பது மிகவும் சந்தோஷமளிக்கிறது என்

றாலும்  நம் மனம் இல்லாதவற்றிற்கு ஆசைப்படும்.   இது விந்தையாக்தான் இருக்கிறது.

ஆனால் ஒன்றுமட்டும் உறுதி நாம் ஆசைப்பட்டது எல்லாம் நமக்கு கிடைத்தாலும் நம்மிடம் இருப்பதில் கிடைத்த சந்தோஷம் நிச்சயமாக நாம் ஆசைப்பட்டதில் கிடைப்பது இல்லை. 

அன்புடன்
மதுரைத்தமிழன்