நடிகையாக மாறிய சேலம் மாவட்ட கலெக்டர் ரோகினி

நடிகையாக மாறிய சேலம் மாவட்ட கலெக்டர் ரோகினி

சேலம மாவட்ட ஆட்சியாளரான ரோகினி நேற்று சுகாதார பணி ஆய்வுகளை ஒரு பள்ளி வளாகத்தில் நடத்திய போது ஜாக்டோ-ஜியோ போராட்டம் காரணமாக ஆசிரியர்கள் வகுப்பில் இல்லாததால் அங்குள்ள மாணவர்களுக்கு டிராமா குயின் ரோகினி பாடம் எடுத்திருக்கிறார்.

இவர் மாவட்ட ஆட்சியாளர்தானே அவருக்கு ஜாக்டோ-ஜியோ  போராட்டம் பற்றி ஏதுமே தெரியவில்லையா என்ன? அவருக்கு அந்த போராட்டம் பற்றி தெரிந்திருந்தால் அந்த மாவட்டத்தில் எந்தெந்த பள்ளி கூடங்களில் ஆசிரியர்கள் வாராமல் இருக்கிறார்கள் என்பதை அறிந்து அந்த ஆசிரியர்களுக்கு பதில் தற்காலிகமாக படித்தவர்களை வைத்து மாணவர்களுக்கு பாடம் சொல்லிதர ஏற்பாடு செய்து இருக்கலாம். ஆனால் அதைவிட்டுவிட்டு ஆசிரியர் இல்லாததால் மாணவர்களுக்கு பாடம் நடத்துவதாக நாடகமாடி இருப்பது ஏதற்க்காக? யாரை கவர்வதற்காக? சரி அவர் பாடம் நடத்தும் வகுப்பிற்குள் மாணவர்கள் அல்லாதவர்கள் எப்படி நுழைந்து இருக்கிறார்கள். அவர்களை வெளியேற்ற எந்த நடவடிக்கைகளையும் அவர் ஏன் எடுக்கவில்லை..

சரி இன்று ஆசிரியர் வராததால் பாடம் எடுத்த அவர் நாளை அவர் துப்புரவு தொழிலாளிகள் ஸ்டிரைக் செய்தால் அவர்களுக்கு பதிலாக அவர் துப்புரவி தொழிலை செய்வாரா என்ன?

நல்ல வேளை இவர் தமிழக கலெக்டராக இருந்துவிட்டார் ஒரு வேளை டெல்லியில் வேலை பார்த்து அவர் போகும் போது பிரதமர் அங்கு இல்லாவிட்டால் அவர் வேலையையும் இவர் செய்து இருப்பார் போல..

இவரை போல கலெக்டர்கள் டெல்லியில் இல்லாதவரை மோடியின் பதவிக்கு ஆபத்து இல்லை மேலும் மோடியும் எந்தவித கவலையில்லாமல் வெளிநாட்டு பயணம் மேற்க் கொள்ளலாம்...

உண்மையிலே மாணவர்கள் மீது இவருக்கு அக்கறை இருப்பதாக வைத்து கொண்டால் நீட் தொடர்பாக இவர் ஏதும் குரல் கொடுத்து இருக்கிறாரா என்ன?

ஜெயலலிதா மறைவிற்கு பின் தமிழகத்தில் பல புதுமுக நடிகைகள் தோன்றி வருகின்றனர் ஜல்லிகட்டு போராட்டம் பொது ஜுலியில் ஆரம்பித்து இப்போது இந்த ரோகினி வரை வந்து கொண்டே இருக்கின்றனர்

தமிழகத்தின் நிலமையை நினைச்சால்தான் பரிதாபமாக இருக்கிறது

இந்த பதிவை படித்த நீங்க இதன் தொடர்ச்சியான அடுத்த பதிவையும் இங்கே களிக் செய்து படியுங்கள்

அன்புடன்

மதுரைத்தமிழன்