உங்களின் பொழுது போக்கிற்கு உத்தரவாதம் தரும் ஒரு வலைத்தளம் அவர்கள்...உண்மைகள்.

Saturday, July 30, 2016

புதிய முறையில் தமிழக காங்கிரஸ் தலைவரை தேர்ந்தெடுக்க ராகுல் திட்டம்



புதிய முறையில் தமிழக காங்கிரஸ் தலைவரை தேர்ந்தெடுக்க ராகுல் திட்டம்

தமிழக காங்கிரஸ் தலைவர் யார் என்ற குழப்பத்தில் மேலிடம் இருப்பதாக செய்திகள் வந்து இருக்கின்றன

இதற்கு முக்கிய நல்ல தீர்வு தமிழக காங்கிரஸ் தலைவர் பதவியை பொது ஏலத்தில் விடுவதுதான் இதை காங்கிரஸ் மேலிடம் பரிசீலிக்குமா?

அன்புடன்
மதுரைத்தமிழன்

Friday, July 29, 2016

மனதை தொட்ட பேஸ்புக் பதிவு



மனதை தொட்ட பேஸ்புக் பதிவு


இன்று நான் படித்த பதிவில் இந்த பதிவு என் மனதை நெகிழ வைத்தது இதை எழுதியவர் ரா. ராஜகோபாலன்  .கபாலி போன்ற படத்திற்கு ஆயிரக் கணக்கில் பணத்தை அள்ளிக் கொட்டுவோம் அல்லது பெரிய ஹோட்டல்களில் பணத்தை டாஸ்மாக் தண்ணிரை போல செலவழித்து உணவை ஆர்டர் செய்து அதை முழுமையாக சாப்பிடாமல் அப்படியே வைத்து வீணாக்கிவிட்டு பேஸ்புக்கில் சமுதாயம் நாசமாக போச்சு என்று ஸ்டேடஸ் போட்டு கொண்டு இருப்போம். ஆனால் இந்த ரா. ராஜகோபாலன் மாதிரி செயல்படுவது வெகு சிலரே..... அதுமட்டுமல்ல இந்த பதிவில் சொல்லிய சிறுவர்கள் போல படிக்க ஆர்வம் இருந்தும் அதை தொடர முடியாமல் வாழ்க்கையை வீணடித்து கொண்டிருப்பவர்கள் பலர். இந்த மாதிரி மாணவர்களிடம் திறமை மிக அதிகம் அவர்களை போன்றவர்களுக்கு நம்மா சிறிய அளவிலாவது உதவி செய்தால் நம் நாட்டில் பலமாற்ங்கள் ஏற்படும் என்பது மட்டும் உறுதி....

Wednesday, July 27, 2016

வைகோ, கபாலி திரைப்படம் பார்த்தால் இப்படியும் நடக்கலாம்



வைகோ, கபாலி திரைப்படம் பார்த்தால் இப்படியும் நடக்கலாம்

சமீபத்தில் வெளியான கபாலி திரைப்படத்தை வைகோ  பார்த்த பின் தான் மலேசியாவிலும் தமிழர்கள் கஷ்டப்படுவது தெரிய வந்ததால்  இனிமே இலங்கை பிரச்சனையை ஏற கட்டிவிட்டு  மலேசிய தமிழர்கள் பிரச்சனைக்காக போராடப் போகிறாராம்


வைகோ கபாலி திரைப்படம் பார்த்தால் இப்படியும் நடக்கலாம்


அன்புடன்
மதுரைத்தமிழன்

Monday, July 25, 2016

காலம் மாறி போச்சு ஆனால் நீங்க மாறிவீட்டீர்களா?



காலம் மாறி போச்சு ஆனால் நீங்க மாறிவீட்டீர்களா?


காலம் மாறிக் கொண்டே இருக்கிறது ஆனால்  இன்றைய தினத்தில் 35 வயதிற்குள்ளவர்களிலிருந்து அதற்கு மேற்பட்ட வயதினரை கவனித்து பார்த்தால் அவர்கள் மாறி இருக்கிறார்கள் என்றால் ஆமாம் என்று இல்லை என்றும்தான் சொல்ல முடியும் ஆனால் அதில் இல்லை என்ற சதவிகிதத்தினர்தான் மிக மிக அதிகமாக இருக்கிறார்கள்.


Monday, July 18, 2016

கபாலி படம் வருவதற்கு முன் ஐகோர்ட் தமிழக அரசிற்கு இப்படி உத்தரவு போட்டாலும் அதிசயப்படவேண்டாம்



கபாலி படம் வருவதற்கு முன்  ஐகோர்ட் தமிழக அரசிற்கு இப்படி உத்தரவு போட்டாலும் அதிசயப்படவேண்டாம்

       கொஞ்சம் சிரிக்க ........                                 கொஞ்சம் சிந்திக்க ..........  
avargal unmaigal

kabali


Sunday, July 17, 2016

திரைத்துறையில் சாதிக்க மற்றும் நுட்பங்களை அறிய விரும்புவர்கள் செல்ல வேண்டிய இடம் எது தெரியுமா?


திரைத்துறையில் சாதிக்க மற்றும் நுட்பங்களை அறிய விரும்புவர்கள் செல்ல வேண்டிய இடம் எது தெரியுமா?
Nizhal-Pathiyam Film Academy – NIPFA

திரைத்துறையில் சாதிக்க மற்றும் நுட்பங்களை அறிய விரும்புவர்களும் செல்ல வேண்டிய இடம் எது தெரியுமா? Nizhal-Pathiyam Film Academy - NIPFA



திரைத்துறையில் நீங்கள் சாதிக்கவிரும்பினால், திரைத்துறை நுட்பங்களை நீங்கள் தெளிவாக அறிய விரும்பினால் நீங்கள் செல்ல வேண்டிய இடம் நிழல்பதியம் திரைப்பட அகாடமிதான்.. நடமாடும் திரைத்துறை களஞ்சியம் என்று அழைக்கப்படும் நிழல் திருநாவுக்கரசு அவர்கள் நிழல் பதியம் அகாடமி என்கிற திரைப்பயிற்சி மையத்தை துவக்கியிருக்கிறார்..

சினிமா பற்றி கொஞ்சமும் தெரியாத நிறைய பேர் திரைப்படக் கல்லூரி நடத்துவதையும், சினிமாவில் எழுபது எண்பது வருட காலம் இருக்கிறார்கள் என்ற ஒரே தகுதியை வைத்தே சில நிறுவனங்கள் திரைப்படக் கல்லூரி துவங்கி ஆறு மாத படிப்பிற்கு  லட்சக்கணக்கில்  வசூலிப்பதையும் நான் மட்டுமல்லாமல் நீங்களும் அறிந்திருப்பீர்கள்,

ஆனால் இப்படிபட்ட நிறுவனங்கள் போல அல்ல இந்த அக்காடமி.. திறமையை வெளிக் கொணர விரும்பும்  மக்களுக்காக நியாயமான கட்டணங்களுடன் மிக மிக தகுதி உள்ள டெக்னிஷியன்களுடன் துவங்கப் பட்டுள்ளது இந்த அக்காடமி.. உள்ளூர் சினிமா முதல் உலக சினிமா வரை நீங்கள் புரிந்து கொண்டு சினிமா படிக்க சரியான நிறுவனம் நிழல் பதியம்.

ஆகஸ்ட்டு ஒன்றாம் தேதியிலிருந்து வகுப்புக்கள் துவங்கப் போகிறது. உண்மையான சினிமாவை கற்றுக் கொள்ள விரும்பும் அனைத்து டெக்னிஷியன்களும் தேடிப் போக வேண்டிய நிறுவனம் இது..

நல்ல திறமையும் புதிய முயற்சிகளை மேற்கொள்ளும்  உள்ள எளிமையான மனிதர்களை நாம் தட்டிக் கொடுத்து பலரும் அறியச் செய்ய வேண்டும்  என்ற எண்ணத்திலும் மேலும்  அவர்களை உற்சாகப்படுத்துகிற எண்ணத்திலும் இந்த பதிவை வெளியிட்டு இருக்கிறேன்.

இந்த அகடமியை அல்லது அவர்களை தொடர்பு கொள்ள கீழ்கண்ட பேஸ்புக் முகவரிக்கு செல்லுங்கள்

Address No. 33, Ramamurthy Street,Thandavamoorthy Nagar,Valasaravakkam,, Chennai, India 600087
Hours Mon-Sat:     10:00 am - 6:00 pm
Phone +91 97106 96939
Email nipfaacademy@gmail.com


டிஸ்கி : எனது இணைய உறவான திரு.கஸ்தூரி ரங்கன் தளத்தில் வந்த செய்தியை வைத்து இந்த பதிவு  எழுதப்பட்டு இருக்கிறது. இவர் தரமான செய்திகளை மட்டுமல்லாமல் உண்மையான செய்தியைகளை மட்டும் பகிர்வார். இணைய உறவுகளில் எனது நம்பிக்கைக்கு மிக பாத்திரமானவர்களில் இவர் முதல் நபர்.


திரு.நிழல் திருநாவுக்கரசு  அவர்களுடன் ஒரு பேட்டி

1.  மிக நீண்ட காலமாக வெகு சொற்பமான  பயிற்சிக் கட்டணத்துடன் நிழல் பதியம் திரைப்பட பயிற்சிகளை தந்துவந்தவர் நீங்கள். உங்களின் திரை அறிவுக்கு நீங்கள் திரைப்பட பயிற்சி நிறுவனத்தை எப்போதோ தொடங்கிஇருக்க வேண்டும். ஏன் இந்த தாமதம்?
 
முதலில் தமிழகம் முழுவதும் சுற்றிவந்து மக்களின் மன நிலையை அறியவேண்டும் என்கிற எண்ணம் இருந்தது .நான் கல்வியியல் பிடித்திருந்ததால் மக்களுக்கு ஏற்ற முறையில் எப்படி கற்று கொடுக்க வேண்டும் என்பதை அவர்களிடம் இருந்தே அறிந்து கொண்டேன் ,அதற்கான தாமதம்தான் இது .
2.  இலக்கிய, மாற்று சினிமா வட்டங்களில் உங்களுக்கு இருக்கும் ஏற்பு வணிகதிரையுலகில் இருப்பதாக உணர்கிறீர்களா?
வணிக திரை உலகம் என்றைக்குமே படித்தவர்களுக்கு மரியாதை தரும் ;ஏனென்றால் அவர்களிடம் இருந்துதான் தங்களுக்கான சரக்கை தயாரிப்பதால் அவர்களின் சேவை இவர்களுக்கு தேவை .இதை அரசியலிலும் பார்க்கலாம்.மேலும் கல்வி நிலையங்களிருந்து தொழில் நுட்ப கலைஞர்கள் ஆண்டுதோறும் வெளி வரும் போது தரமான கலைஞர்களுக்கு இந்தியா முழுவதிலும் வரவேற்புஉள்ளது , தமிழகத்தை விட அதிகமாக இருக்கிறது .
3.  ஏற்கனவே செயல்பாட்டில் இருக்கும்  மிக அதிக அளவில் கட்டணம் வசூலிக்கும் நிறுவனங்களுடன் நிழல் திரைக்கலை பயிற்சி நிறுவனம் எப்படி போட்டியிட முடியும்?
பணத்தால் முடியாது ;அறிவால் மட்டுமே போட்டி போட இயலும் ;மற்றவர்கள் எல்லாம் ஒவ்வொரு பாடத்திற்கும் தனித்தனி கட்டணம் வாங்குகிறார்கள் ,நாங்கள் எல்லா பாடத்திற்கும் [நடிப்பு ,இயக்கம் ,திரைக்கதை ,கேமரா எடிட்டிங் ,மேக் அப் ,டப்பிங் ]சேர்த்தே குறைந்த கட்டணம் பெறுகிறோம் ;ஆனால் மாணவனோ  எல்லா பாட தொழில் நுட்பமும் தெரிந்து கொண்டு முழுமையாக வெளியேறுவான் .இது தான் மற்றவர்களுக்கும் எங்களுக்குமான வேறுபாடு .
4.  இதுவரை உங்களிடம் பயிற்சிபெற்ற கலைஞர்களில் தங்கள் முத்திரையை அழுத்தமாக பதித்த கலைஞர்கள் யார் யார்?
இன்றைக்கு 700பேர் வரை திரைத்துறை ,தொலைக்காட்சி ,பத்திரிக்கை என்று ஊடகங்களில் பணியாற்றி கொண்டு இருக்கின்றனர் .அவர்களில் குறிப்பாக சிலரை குறிப்பிடுகிறேன் :உறுமீன் -இயக்குனர் சக்திவேல் பெருமாள்சாமி ,என்கிட்டே மோதாதே -இயக்குனர் ராமு செல்லப்பா ,ராட்டினம் பட கதாநாயகன் லகுபரன் ,பாலாஜிசக்திவேல் ,சங்கர் ,ஜனநாதன் ,சந்திரசேகர் முதலிய இயக்குனர்களிடம் உதவி இயக்குநர்களாகவும் ,பட தொகுப்பில் அருண் துரைராஜ் ,மும்பைஜோசெப் போன்றவர்கள் அஞ்சாதே ,முரண் ,மன்மத அம்புகள்,விஸ்வரூபம் முதலிய படங்களில் பணியாற்றி உள்ளனர் .மாலை நேரத்து மயக்கம் உதவி ஒளிப்பதிவாளராக மோகன ரங்கம் பணியாற்றி உள்ளார் ,இது போல பலர் உள்ளனர் .

5.  நமது வணிக திரையுலகில் பதியத்தில் பயிற்சிபெற்றவர்கள் வெற்றி பெற சிறப்பு பயிற்சிகள் தரப்படுகிறதா?
எம்மால் எவ்வளவு கஷ்டமான படத்தையும் எளிமையாக கற்று கொடுக்க முடியும் ;இதனை பாவ்லோ பெரியர் ,பெரி  முதலியவர்கள் கற்று கொடுத்த பாணியில் சொல்லி கொடுக்க முடியும் ;எடுத்துக்காட்டாக அ முதல் அஃவரை சொல்லி கொடுத்தால் கூட ஒரு சொல்லைகூட  உருவாக்க முடியாது ,ஆனால் ''வை கற்பித்து அதையே ம -வாக்கி ,புள்ளி வைத்து 'படம் 'என்று ஒரே நாளில் கற்று கொடுக்கும் முறை வந்து விட்டது .பெரும் பல்கலை கழகங்களில் கூட மேக் அப் சொல்லி கொடுப்பதில்லை ,நாங்கள் கற்று கொடுக்கிறோம் .

6.  உங்களது ஆதர்சத்துக்குரிய திரைக்கலைஞர் யார்? ஏன்?
ஜப்பானிய இயக்குனர் அகிரா குரோசோவாதான் எனது ஆதர்சமான இயக்குனர் ;இவரது படங்கள் உண்மையான சினிமாவாக இருந்தாலும் சாதாரண வணிகப்பட பார்வையாளனுக்கும் புரியும் ,ரசிப்பான் ,திரைக்கலையின் எல்லா அம்சங்களும் பொருந்திய படமாக இவரது படைப்புகள் உள்ளன .
7.  நமது சமூக பின்னணியில் தரமான உலக திரைப்படம் சாத்தியமா?
தரமான படம் வராதது இயக்குனரால் அல்ல ;படத்தை விற்பனை செய்யும் விநியோகஸ்தர்களால் தான் ,இதிலிருந்து தமிழகம் எப்போது மீளுமோ அப்போது தரமான படம் வெளிவரும் .
8.  நிழல் திரைக்கலை பயிற்சி நிறுவனத்தின் இலக்குகள் என்ன? நிழல் ஒரு திரைப்பட தயாரிப்பு நிறுவனமாக சாத்தியங்கள் இருக்கிறதா?
எமது நிறுவனம் கல்வி நிறுவனமாக மட்டும் இருக்காமல் தயாரிப்பு நிறுவனமாக மாறும்

9.  நிழல் தயாரிப்பு நிறுவனமாகும் பொழுது இம்மாதிரிப் படங்களை தயாரிக்க திட்டம் இருக்கிறது ?
தமிழக கலைகளை ஆவணப்படமாக இயக்கி உலகுக்கு கொடுப்போம் ,தரமான படமும் உருவாகும் .

10. நிழல் திரைக்கலை நிறுவனத்தின் பயிற்சியாளர்கள் (ஆசிரியர்கள்)யார்?

சினிமா வரலாறு ,குறும்படம் மற்றும் ஆவணப்பட வரலாறு போன்றவற்றை நான் கற்ப்பிப்பேன் ;நடிப்புக்கு சுரேஸ்வரன் ,தம்பிச்சோழன் ;புகைப்படத்திற்கு தாஸ் அருள்சாமி ,திரைக்கதை ,இயக்கத்திற்கு கலைச்செல்வன் ,படத்தொகுப்புக்கு போன்.குமார் ,ஒப்பனைக்கு ரஹ்மான் போன்றவர்கள் ;மேலதிக கல்விக்கு திரைத்துறையில் பின்னணியில் உழைத்துவரும் ஒளிப்பதிவாளர்கள் ,படத்தொகுப்பாளர் ,ஒலி பதிவாளர்கள் வந்து கற்பிக்க உள்ளனர் .
நிழல் பதியம் முகவரி : http://nizhal.in/


Download templates

www.gnanalaya-tamil.com

Gadgets By Spice Up Your Blog