Friday, September 18, 2015




ஜெயலலிதா அரசை கிண்டல்பண்ணி இப்படி ஒரு காட்சி கபாலி படத்தில் வைக்கப்படுவது உண்மையா?

ரஜினி நடிக்கும் கபாலி படத்தின் ஒரு விறுவிருப்பு காட்சி  இப்படிதான் படமாக்கப்படுகிறதாம். வில்லனை ரஜினிகாந்த் அடித்து உதைத்து அவனை தமிழக அரசு பஸ்ஸில் உட்காரவைத்து ஒட்டி வருகிறார். அப்போது வில்லன் கதறி அழுது என்னை பஸ்ஸில் இருந்து இறக்கி காரிலாவது கூப்பிட்டு போ என்னை தமிழக அரசு பஸ்ஸில் மட்டும் உட்காரவைத்து கூப்பிட்டு செல்லாதே   இனிமேல் நான் தப்பே பண்ணமாட்டேன் என்று கதறி அழுவது போல காட்சி அமைக்கப்படுகிறதாமே? ஹீஹீ  இது ஒரு கற்பனைதான்)


மத்திய அரசு அறிவிப்பு:

இனிமேல் தூக்கு தண்டனை கைதிகளை தூக்கில் இடுவதற்கு பதிலாக அவர்களின் கழுத்தில் தூக்கு கயிறை மாட்டி தமிழக பஸ்ஸில் உட்கார வைத்து கேரளாவிற்கு ஒரு டிரிப் அனுப்பி வைப்போம் அவர்கள் உயிருடன் திரும்பி வந்தால் அவரகளுக்கு அந்த தண்டனையை ரத்து செய்து ஆயுள் தண்டனை கொடுப்போம்...

மனைவியை கொல்ல முயற்சி:

கணவன் தன்னை கொல்ல முயற்சித்தாக மனைவி போலிஸாரிடம் புகார். போலீஸார் அந்த பெண்மணியின் கணவரை அரெஸ்ட் செய்து கோர்ட்டில் நிறுத்தினார்கள். கோர்ட்டில் அந்த மனிதன், தனக்கு மனைவியை கொலை செய்யும் எண்ணம் ஏதும் இல்லை என்று மறுத்து வாதாடினார். ஆனால் பெண் தரப்பு வக்கில், அந்த கணவன் மனைவிக்கு தமிழக அரசு பஸ்ஸில் பயணம் செய்ய டிக்கெட் புக் செய்ததுக்கான ஆதாரத்தை காட்டியதும் நீதிபதி அந்த கணவருக்கு ஆயுள் தண்டனையை கொடுத்தார்

மருமகளின் சதித்திட்டம்

மனைவி: என்னங்க உங்க பெற்றோர்களை பார்த்தால் கஷ்டமாக இருக்குங்க..எப்பா பார்த்தாலும் வீட்டிலேயும் அடைஞ்சு கிடக்குறாங்க அதனால அவங்க இயற்கையை ரசித்து பார்த்து எஞ்சாய் பண்ண கேரளாவிற்கு நம்ம தமிழக அரசு பஸ்ஸில் டிக்கெட் புக் பண்ணி டூருக்கு அனுப்புங்க. பாவமுங்க அவங்க..

கணவன்: அடியே உனக்கு என் பெற்றோர்கள் என்னடி கொடுமை செஞ்சாங்க அவங்களை இப்படி சாக அடிக்க முயற்சி செய்கிறாயே நீ எல்லாம் நல்லா இருப்பியா?.


என்னங்க மேலே உள்ள நகைச்சுவைகள் உங்களுக்கு புரியலைன்னா கிழே உள்ள வீடியோவை பாருங்கள் அப்போது உங்களுக்கு நன்றாக புரியும்

செய்தி :தமிழக அரசு பஸ்ஸின் அடிப்பாகம்  உடைந்து ஒடும் பஸ்ஸில் இருந்து கேரளாவை சேர்ந்த பெண் கிழே விழுந்தாள்.




அன்புடன்
மதுரைத்தமிழன்(டி.ஜே.துரை)

நையாண்டி,ஜெயலலிதா,நகைச்சுவை

6 comments:

  1. அட பாவி .. மதுரை தமிழா.. கிட்ட தட்ட 30 வருடம் களைத்து ரஜினி அவர்வயசுகேத்த ஒரு பாத்திரத்தில் நடிக்கின்றார். இத்தனை வருடம் கழித்து ரஜினி படம் பார்க்கலாம் என்ற நப்பாசையில் இருக்கேன். நீங்க என்னானா இதை அரசியல் பண்ணி சொதப்பிடுவிங்க போல இருக்கே !

    நல்ல நகைசுவை பதிவு.. நோய் விட்டு போச்சி.. அதுதாங்க வாய் விட்டு சிரித்தேன்.

    ReplyDelete
  2. மதுரைதமிழன் .போட்டு தாக்கிவிட்டிர்கள் ,அதிலும் மனைவிக்கு டிக்கட் புக் பண்ணிய ஆதாரம் காட்டியதும் கணவனுக்கு ஆயுள் தண்டனை அபாரம் .சிரித்து சிரித்து வயிறு வலிக்குது .

    ReplyDelete
  3. பாவம் அந்த பெண்மணி. பொதுவாக இந்தியாவின் வட பகுதிகளில் பேருந்துகள் பராமரிப்பு என்பதே குறைவு. தமிழகத்தில் நன்றாக இருக்கும் என நான் சொல்லிக் கொள்வேன். அந்த நினைபினை மாற்றிக் கொள்ள வேண்டும் போல!...... :(

    ReplyDelete
  4. பாவம் ரஜினி. படம் வெளியிட்டபிறகு, வினியோகஸ்தர்கள் அவர் தூக்கத்தைக் கெடுக்கப் போகிறார்கள். நீங்கள் படப்பிடிப்பு நடக்கும்போதே அவர் நிம்மதிக்கு உலை வைக்கிறீர்களே..நியாயமாரே....

    ReplyDelete

நான் அறிவு ஜீவி அல்ல ஒரு சாதாரணமான் மனிதன் தான்.இங்கு நான் பதியும் பதிவுகளில் உள்ள கருத்துகள் "மிகவும் சரி"யென்று சொல்லமாட்டேன் அது அன்றைய மனநிலையில் என் மனதில் எழும் கருத்துகளே...அதனால் உங்களது மனசுலபட்ட மாற்று கருத்துகளை தாராளமாக பகிரலாம். ஆனால் தேவையற்ற, வரம்புமீரிய, அநாகரிகமான வார்த்தைகளாலும் பதிவிற்கு சம்பந்தமில்லாமல் கருத்துக்கள் சொல்லப்பட்டால் எந்த வித பதில் விளக்கமின்றி அந்த கருத்து டெலீட் செய்யப்படும்.