கரண்ட் இல்லாத நேரத்தில் நீங்கள் என்ன என்ன செய்யலாம்?

கரண்ட் இல்லாத நேரத்தில் நீங்கள் என்ன என்ன செய்யலாம்?

உங்கள் வீட்டில் கண்ணாடி இருந்தால் அதன் முன் நின்று அழுகலாம் அல்லது சிரித்து பார்க்கலாம்.

சாமி முன்னால் நின்று ஏன் இப்படி எங்களுக்கு நடக்கிறது என்று கேட்டு கதறி அழலாம்.

விசிறி இருந்தால் உங்களுக்கு பிடித்தவர்களுக்கு விசிறி கொண்டு விசிறி விடலாம்.

மாமியார் கூட நல்லா சண்டை போடலாம்.

பக்கத்துவீடுகளில் போய் வம்பு பேசலாம் கரண்டு வந்த பின் அதையே பதிவாக போடலாம்

இரவு நேரத்தில் கரண்டு இல்லையென்றால் அந்த நேரத்தில் மெழுகு வத்தி வெளிச்சத்தில் குழந்தைகள் கூட எதையாவது தூக்கி எறிந்துவிளையாடலாம் இந்த சந்தர்பத்தை பயன்படுத்தி பிடிக்காத மாமியார் மீது அல்லது கணவன் மீது தூக்கி ஏறிந்து அவர்களைப் காயப்படுத்தலாம்

இரவு நேரமாக இருந்து கரண்டு இல்லாமல் இருந்தால் மனைவியின் அழகை தைரியமாக  வர்ணிக்கலாம்.

உங்கள் குழந்தைகள் படிப்பில் முதன்மையாக வர பார்வையற்றோர் பள்ளிகூடத்தில் சேர்க்கலாம்.(பிரெய்லி முறையில் படிக்கலாம்)

கல்யாணம் ஆன இளம்தம்பதிகளாக இருந்தால் அதிலும் இந்த கால நாகரிக தம்பதிகளாக இருந்தால் கரண்டு போன சமயத்தில் டேபிளில் இரண்டு மெழுகு வர்த்தியை ஏற்றி வைத்து தோட்டத்தில் மலர்ந்த மலரை கொத்தாக பறித்து ஒரு கண்ணாடி ஜாரில் வைத்து ஆளுக்கொரு க்ளாஸ் ஒயின் எடுத்து அருந்தியாவாறு மீதி இரவை ரொமண்டிக்காக கழிக்கலாம்

அன்புடன்

மதுரைத்தமிழன்